Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Psaume 148:1-14

LI TI ATËNË NI

  • A lingbi aye kue so Jéhovah acréé ala asepela lo

    • “A-ange ti lo kue, ala sepela lo” (2)

    • ‘Lâ, nze na atongoro, ala sepela lo’ (3)

    • A lingbi amaseka na ambakoro asepela Nzapa (12, 13)

148  Ala sepela Jah!* Ala so ayeke na yayu, ala sepela Jéhovah;+ ala so ayeke kâ na nduzu, ala sepela lo.   A-ange ti lo kue, ala sepela lo.+ Aturugu ti lo kue, ala sepela lo.+   Lâ na nze, ala sepela lo. Atongoro kue so ayeke za, ala sepela lo.+   Mbage ti yayu so ayo na nduzu ahon atanga ni,* ala sepela lo. Angu so ayeke na ndö ti yayu, ala sepela lo.   Zia si aye so kue asepela iri ti Jéhovah, ndali ti so lo mû yanga, na a créé ala.+   Lo sara si ala ngbâ na place ti ala lakue lakue nga kpu na kpu,+ lo sigi na mbeni mbela so ngangu ni ayeke hunzi pëpe.+   Ala sepela Jéhovah na ndö ti sese, ala akota nyama ti ngu-ingo nga na angu kue so alï mingi,   wâ ti bekpa na aglason, neige na ambinda so ane, kota pupu ti ngu so ayeke sara ye alingbi na tënë ti lo,+   ahoto na akete hoto kue,+ akeke so a yeke te alengo ni nga na akeke ti cèdre kue,+ 10  anyama ti ngonda+ nga na anyama ti kodro kue, anyama so ahara nga na andeke, 11  agbia ti sese nga na amara kue, amokonzi nga na ajuge kue ti sese,+ 12  amaseka-koli nga na amaseka-wali,* ambakoro-koli nga na amaseka.* 13  Zia ala kue asepela iri ti Jéhovah, ndali ti so gï iri ti lo oko la ayo na nduzu mingi.+ Kota ti lo ahon sese na yayu.+ 14  Lo yeke sara si azo ti lo akiri awara ngangu mingi,* si a gonda azo ti lo kue so ayeke be-ta-zo, amolenge ti Israël so ayeke azo so ayeke nduru mingi na lo. Ala sepela Jah!*

Kete tënë

Wala “Alléluia!” “Jah” ayeke nduru iri ti Jéhovah.
Na Hébreu: “Ayayu ti ayayu.”
Na Hébreu: “amaseka so ade ti hinga koli pëpe.”
Wala “ambakoro nga na amaseka.”
Na Hébreu: “Lo yeke yâa didi ti azo ti lo na nduzu.”
Wala “Alléluia!” “Jah” ayeke nduru iri ti Jéhovah.