Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Psaume 147:1-20

LI TI ATËNË NI

  • Sepela angangu kusala so Nzapa asara na ndoye

    • Azo so kä ayeke na bê ti ala, lo sara si kä ni amü (3)

    • Lo iri atongoro kue na iri ti ala (4)

    • Lo tokua neige mo bâ mo tene kuä ti terê ti taba (16)

147  Ala sepela Jah!* A yeke nzoni e he bia ti sepela* Nzapa ti e; a nzere mingi nga a yeke na lege ni ti sepela lo!+   Jéhovah angbâ ti leke Jérusalem;+ lo bungbi ndo oko azo ti Israël so akangbi kirikiri.+   Azo so kä ayeke na bê ti ala, Lo sara si kä ni amü, nga lo kanga akä ti ala.   Lo diko wungo ti atongoro; lo iri ala kue na iri ti ala.+   Seigneur ti e ayeke kota nga lo yeke ngangu mingi;+ zo alingbi pëpe ti hinga kota ti hingango ndo ti lo.+   Jéhovah amû na nduzu azo so asara terê ti ala kete,+ me lo bi azo ti sioni na sese.   Ala he bia na Jéhovah na atënë ti singila; ala he bia ti sepela Nzapa ti e na ngoi so a yeke pika harpe,   Lo so asara si ambinda amû lê ti nduzu, Lo so asara si ngu apika na ndö ti sese,+ Lo so asara si pere asigi+ na ndö ti ahoto.   Lo mû kobe na anyama,+ lo mû kobe na akete corbeau so atoto na lo.+ 10  Ngangu ti mbarata azia ngia na bê ti lo pëpe;+ nga zo so gere ti lo akpengba apika bê ti lo pëpe.+ 11  Jéhovah ayeke na ngia ndali ti azo so akpe mbeto ti lo,+ azo so aku ti tene lo fa tâ ndoye ti lo na ala.+ 12  Jérusalem, mû gloire na Jéhovah. Sion, sepela Nzapa ti mo. 13  Lo sara si abarre ti yanga ti gbagba ti gbata ti mo akpengba; lo iri tënë nzoni na ndö ti amolenge ti mo so ayeke na yâ ti mo. 14  Lo ga na siriri na yâ ti akodro ti mo;+ lo mû na mo blé so ayeke nzoni mingi alingbi na mo.+ 15  Lo tokua na sese yanga so lo mû, na tënë ni amû loro hio. 16  Lo tokua neige mo bâ mo tene kuä ti terê ti taba;+ lo sara si akete kete glason amû ndo tongana mburu ti wâ.+ 17  Lo bi akota glason* ti lo na sese mo bâ mo tene anduru mapa.+ Zo wa la apeut ti luti na lê ti ngangu dê ti lo zo wa?+ 18  Lo mû yanga, na ala ga ngu. Lo sara si pupu ti lo aya,+ na angu asua. 19  Lo fa tënë ti lo na Jacob, lo fa na Israël andia ti lo so afa lege na zo nga na angbanga so lo fâ.+ 20  Lo sara tongaso na mbeni mara nde pëpe;+ ala hinga ye oko pëpe na ndö ti angbanga so lo fâ. Ala sepela Jah!*+

Kete tënë

Wala “Alléluia!” “Jah” ayeke nduru iri ti Jéhovah.
Wala “pika mozoko na.”
Wala “glace.”
Wala “Alléluia!” “Jah” ayeke nduru iri ti Jéhovah.