Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Psaume 144:1-15

LI TI ATËNË NI

  • Sambela ti sö benda

    • ‘Zo ti sese ayeke nyen?’ (3)

    • ‘Sara si yâ ti awato ti mbi akangbi kirikiri’ (6)

    • Ngia ayeke na azo ti Jéhovah (15)

Psaume ti David. 144  Zia si a sepela Jéhovah, Kota tênë+ ti mbi, lo so afa kode ti tiringo bira na maboko ti mbi, nga lo fa kode ti tiringo bira na ali ti maboko ti mbi.+   Lo la lo fa tâ ndoye na mbi nga lo yeke ngangu gbagba ti mbi, lo yeke nzoni ndo ti batango terê ti mbi* nga zo ti zi mbi, lo yeke vala ti mbi nga Zo so mbi gue na gbe ti lo ti bata terê ti mbi;+ lo la lo sara si mbi sö benda na ndö ti azo.+   Jéhovah, zo ayeke nyen si mo zia lê ti mo na ndö ti lo? Molenge ti zo ti sese ayeke nyen si mo bi bê na lo?+   Zo akpa gï senge pupu so zo awu;+ alango ti lo ayeke tongana gbe ti dê so ayeke hon.+   Jéhovah, sara si yayu adescend na gbe ni,* na mo descend;+ ndu ahoto na sara si guru asigi dä.+   Sara si wâ ti bekpa aza akangbi yâ ti awato;+ tokua alê ti kokora ti mo na sara si li ti ala aga kirikiri.+   Ngbâ na nduzu kâ, mo yôro maboko ti mo; zi mbi nga sö mbi na yâ ti ngu so asuku mingi nga na yâ ti maboko ti awande,*+   ala so tënë ti mvene ayeke sigi na yanga ti ala nga so ayôro maboko ti ala ti koli na nduzu ti deba yanga ti ala na tënë ti mvene.*   Nzapa, mbi yeke he na mo fini bia.+ Mbi yeke he bia ti sepela* mo na ye ti mozoko so ayeke na kamba bale-oko; 10  mbi yeke he bia na Lo so amû songo benda* na agbia,+ Lo so azi wakua ti lo David na lê ti épée ti fango zo.+ 11  Zi mbi nga sö mbi na maboko ti awande, ala so tënë ti mvene ayeke sigi na yanga ti ala nga so ayôro maboko ti ala ti koli na nduzu ti deba yanga ti ala na tënë ti mvene. 12  Na pekoni, amolenge ti e ti koli ayeke ga tongana akete keke so akono hio hio, nga amolenge ti e ti wali ayeke ga tongana apilier so a leke ni na kode ti zia na acoin ti yangbo ti gbia. 13  Agogoro ti e ayeke si singo na mara ti anzoni ye nde nde; ataba na angasa ti e so ayeke na yâ ti abenyama ti e ayeke dü gbani gbani ti ga saki na saki. 14  Amama ti bagara ti e so ayeke na ngo si yâ ti ala akpengba awe ayeke wara kpale* pëpe nga ngo ni ayeke tï pëpe; a yeke mä toto ti vundu pëpe na ando ti e so azo ayeke gue ka dä mingi. 15  Ngia ayeke na azo so aye ti ala ayeke tongaso! Ngia ayeke na azo so Nzapa ti ala ayeke Jéhovah!+

Kete tënë

Wala “nzoni ndo ti batango terê so ayeke na nduzu.”
Wala “adengi.”
Wala “maboko ti awande so agbu mbi ngangu.”
Na Hébreu: “so maboko ti ala ti koli ayeke maboko ti koli ti mvene.”
Wala “pika mozoko na.”
Wala “salut.”
Wala “da ti molenge ayeke suru.”