Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Psaume 143:1-12

LI TI ATËNË NI

  • Nzara ti Nzapa asara lo tongana ti mbeni hulengo ndo so abezoin ngu

    • ‘Mbi gbu li ti mbi na ndö ti akusala ti mo’ (5)

    • “Fa na mbi tongana nyen ti sara ye so bê ti mo aye” (10)

    • ‘Zia nzoni yingo ti mo afa lege na mbi’ (10)

Bia ti David. 143  Jéhovah, mä sambela ti mbi;+ mä toto so mbi toto na mo ti mû maboko na mbi. So mo yeke be-ta-zo nga mo yeke mbilimbili, kiri tënë na mbi.   Iri mbi, wakua ti mo, na gbele ngbanga pëpe, ndali ti so na popo ti azo so ayeke na fini, zo oko alingbi ti duti mbilimbili na lê ti mo pëpe.+   Wato ti mbi atomba peko ti mbi;* lo dö yâ ti mbi na sese juska mbi kui. Lo sara si mbi duti na yâ ti bingo tongana azo so akui aninga mingi awe.   Ngangu* ti mbi ague ti hunzi;+ bê ti mbi ayeke gï tongaso.+   Mbi dabe ti mbi na angoi ti ândö; mbi gbu li na ndö ti kusala kue so mo sara;+ mbi ye mingi ti gbu li* na ndö ti kusala ti maboko ti mo.   Mbi yôro maboko ti mbi na mo; mbi yeke* tâ na bezoin ti mo tongana ti so ndo so ahule ayeke tâ na bezoin ti ngu.+ (Sélah)   Jéhovah, kiri tënë hio na mbi;+ ngangu* ti mbi ahunzi awe.+ Honde lê ti mo na mbi pëpe,+ tongaso pëpe, mbi yeke ga tongana azo so ayeke descend na yâ ti dû.*+   Na ndapre, zia mbi mä tënë ti tâ ndoye ti mo, ndali ti so mbi zia bê ti mbi na ndö ti mo. Fa na mbi lege so a yeke nzoni mbi tambela dä,+ ndali ti so mbi tourné na mbage ti mo.*   Jéhovah, zi mbi na maboko ti awato ti mbi. Mbi kpe na mbage ti mo ti tene mo bata mbi.+ 10  Fa na mbi tongana nyen ti sara ye so bê ti mo aye,+ ndali ti so mo yeke Nzapa ti mbi. Yingo ti mo ayeke nzoni; zia si a gue na mbi na kpangbala ndo.* 11  Jéhovah, ndali ti iri ti mo, bata mbi na fini. So mo yeke mbilimbili, zi mbi* na yâ ti kota vundu.+ 12  So mo yeke na tâ ndoye, futi* awato ti mbi;+ futi azo kue so ayeke sara ye ti ngangu na mbi,*+ ndali ti so mbi yeke wakua ti mo.+

Kete tënë

Wala “âme ti mbi.”
Na Hébreu: “Yingo.”
Wala “manda ye.”
Wala “âme ti mbi ayeke.”
Na Hébreu: “yingo.”
Wala “dû ti kuâ.”
Wala “ndali ti so mbi yâa âme ti mbi na mo.”
Wala “na sese so sarango ye na lege ni ayeke dä.”
Wala “âme ti mbi.”
Na Hébreu: “kanga yanga ti.”
Wala “âme ti mbi.”