Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Psaume 141:1-10

LI TI ATËNË NI

  • Sambela ti tene Nzapa abata lo

    • “Zia si sambela ti mbi aduti tongana dukane” (2)

    • Sukungo so zo ti mbilimbili asuku na mba ti lo ayeke tongana mafuta (5)

    • Azo ti sioni ayeke tï na yâ ti agbanda ti ala wani (10)

Bia ti David. 141  Jéhovah, mbi iri mo.+ Ga hio ti mû maboko na mbi.+ Dengi mê na ngoi so mbi iri mo.+   Zia si sambela ti mbi aduti tongana dukane+ so a leke ni nzoni si a yâa ni na mo;+zia si maboko ti mbi so mbi yâa na mo aduti tongana sandaga ti lê ti kobe ti lakui.+   Jéhovah, zia mbeni garde ndali ti yanga ti mbi;zia mbeni sinziri ti bâ ndo na ndö ti tënë so ayeke sigi na yanga ti mbi.+   Zia si bê ti mbi asara nzara ti mbeni sioni ye pëpe,+nzara ti tene mbi na azo ti sioni e sara asioni ye;zia si mbi te anzoni kobe ti ala lâ oko pëpe.   Tongana zo ti mbilimbili apika mbi, so tâ ndoye la lo fa na mbage ti mbi;+tongana lo suku na mbi, a yeke tongana mafuta so a tuku na li ti mbi+so li ti mbi ayeke ke ni lâ oko pëpe.+ Même na ngoi so ala yeke na yâ ti aye ti ngangu, mbi yeke ngbâ ti sambela.   Atâa so a mû ajuge ti ala na li ti ahoto so ayo mingi a bi ala na sese,azo ayeke dengi mê na tënë ti mbi, ndali ti so a nzere na ala.   Tongana ti so zo adë yaka na lo tourné yâ ti sese ni,yâ ti abio ti e akangbi kirikiri na yanga ti Dû ti kuâ.*   Me Jéhovah, Seigneur ti dunia kue, lê ti mbi ayeke gï na mbage ti mo.+ Mbi kpe na mo ti bata terê ti mbi. Zi fini ti mbi* pëpe.   Bata mbi, si mbi tï pëpe na yâ ti kûkû so azo ti sioni azia ti gbu mbinga si agbanda ti ala agbu mbi pëpe. 10  Azo ti sioni kue ayeke tï na yâ ti agbanda ti ala wani,+me mbi, mbi hon ti mbi senge.

Kete tënë

Wala “Shéol,” so ti tene dû ti kuâ so azo kue ayeke gue dä. Bâ na kete bakari.
Wala “Tuku âme ti mbi.”