Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Psaume 140:1-13

LI TI ATËNË NI

  • Jéhovah ayeke ngangu Sauveur

    • Azo ti sioni ayeke tongana asioni ngbo (3)

    • Azo ti sarango ngangu na azo ayeke tï na sese (11)

Na mokonzi ti azo ti pikango mozoko. Bia ti David. 140  Jéhovah, zi mbi na maboko ti asioni zo; bata mbi si azo ti sarango ye ti ngangu na zo asara sioni na mbi pëpe,+   azo so ayeke leke na bê ti ala ti sara sioni na zo+ nga agi ti dü tënë na popo ti azo na yâ ti lango ni kue.   Ala sara si langue ti ala aza tongana ti ngbo;+ ngu ti yanga ti asioni ngbo ayeke na peko ti poro ti yanga ti ala.+ (Sélah)   Jéhovah, bata mbi si azo ti sioni agbu mbi pëpe;+ bata mbi si azo ti sarango ye ti ngangu na zo asara sioni na mbi pëpe, azo so agi ti sara si mbi tï.   Azo ti fandara azia kûkû ti gbu mbi; ala gboto yâ ti akamba ti gbanda na terê ti lege.+ Ala zia akûkû ti gbu mbi.+ (Sélah)   Mbi tene na Jéhovah: “Mo yeke Nzapa ti mbi. Jéhovah, mä dema so mbi dema na mo ti mû maboko na mbi.”+   Jéhovah, Seigneur ti dunia kue nga ngangu Sauveur ti mbi, na ngoi ti bira, mo bata li ti mbi si mbeni ye apika ni pëpe.+   Jéhovah, mû pëpe na azo ti sioni aye so ala sara nzara ni. Zia pëpe si aye so ala mä terê ti sara aga nzoni, si a gonda ala pëpe. (Sélah)+   Zia si sioni tënë so asigi na yanga ti azo so angoro mbi akiri gï na li ti ala.+ 10  Zia si charbon so amû wâ atuku na ndö ti ala.+ Zia si a bi ala na yâ ti wâ, na yâ ti adû so alï,*+ na ala sigi dä lâ oko pëpe. 11  Zia si zo ti pango ndo awara place na ndö ti sese pëpe.+ Zia si ye ti sioni atomba peko ti azo ti sarango ye ti ngangu na zo, na a pika ala na sese. 12  Mbi hinga so Jéhovah ayeke gbu koko ti azo ti mawa nga lo yeke fâ ngbanga mbilimbili na awayere.+ 13  Azo ti mbilimbili ayeke mû merci na iri ti mo nga ala yeke duti na gbele mo.+

Kete tënë

Wala “na yâ ti adû so ngu ayeke dä.”