Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Psaume 139:1-24

LI TI ATËNË NI

  • Nzapa ahinga awakua ti lo nzoni

    • Zo apeut ti kpe yingo ti Nzapa ape (7)

    • “Mo leke mbi pendere mingi” (14)

    • ‘Mo bâ mbi na ngoi so mbi ngbâ gï mênë’ (16)

    • “Gue na mbi na ndö ti lege ti lakue lakue” (24)

Na mokonzi ti azo ti pikango mozoko. Psaume ti David. Bia. 139  Jéhovah, mo gi yâ ti bê ti mbi awe, na mo hinga mbi.+   Mo hinga ngoi so mbi yeke duti nga na ngoi so mbi yeke londo.+ Mo ngbâ yongoro kâ mo hinga apensé ti mbi.+   Mo bâ* mbi na ngoi so mbi sara yongoro tambela nga na ngoi so mbi lango.Mo hinga alege ti mbi kue nzoni.+   Kozo si langue ti mbi atene mbeni tënë,mo Jéhovah, mo hinga tënë ni awe.+   Na peko ti mbi nga na devant ti mbi, mo ngoro mbi mbage na mbage;mo zia maboko ti mo na ndö ti mbi.   Mara ti hingango ye so ahon gbungo li ti mbi.* Mbi peut ti mä yâ ni pëpe.*+   Ndo wa la mbi lingbi ti kpe dä si yingo ti mo awara mbi ape?Ndo wa la mbi lingbi ti kpe dä si mo bâ mbi ape?+   Tongana mbi monté na yayu, mo yeke kâ;nga tongana mbi leke gbogbo ti mbi na yâ ti Dû ti kuâ,* mo yeke kâ.+   Tongana mbi huru hio mbi hon na kpangbi ti yanga ti ndapreti gue ti duti na terê ti ngu-ingo so ayo ahon atanga ni kue, 10  même kâ, maboko ti mo ayeke fa lege na mbi,nga maboko ti mo ti koli ayeke gbu mbi.+ 11  Tongana mbi tene: “Nyen na nyen, vukongo ndo ayeke honde mbi,” mo ye ti bâ, bï so angoro mbi aga lumière. 12  Même vukongo ndo avuko mingi na lê ti mo pëpe,me bï ayeke za tongana kota lâ;+na lê ti mo, vukongo ndo ayeke tongana lumière.+ 13  Mo la mo leke arein ti mbi;mo honde mbi* na yâ ti mama ti mbi.+ 14  Mbi sepela mo ndali ti so, na mbeni lege so apika bê, mo leke mbi pendere mingi.+ Akusala ti mo adö bê,+na mbi hinga* ni nzoni mingi. 15  Abio ti mbi ahonde na lê ti mo pëpena ngoi so a sara mbi na hondengo ni,na ngoi so aye ti terê ti mbi ayeke tingbi dä kâ na gbe ti sese.+ 16  Lê ti mo abâ mbi même na ngoi so mbi ngbâ gï mênë,mo sû na lê ti mbeti ti mo tënë ti ambage nde nde kue ti terê ti mbi;tënë ni andu alango so ambage ti terê ti mbi abâ gigi,kozo si mbeni abâ gigi. 17  Ni la, apensé ti mo ayeke kota ye mingi na lê ti mbi!+ Nzapa, apensé ti mo kue ayeke mingi!+ 18  Tongana mbi tara ti diko ni, wungo ni ayeke mingi ahon alê ti mbutu.+ Na ngoi so mbi zingo, mbi ngbâ lakue na terê ti mo.*+ 19  Nzapa, tongana fade mo futi azo ti sioni,+ a yeke nzoni! Ka azo so ayeke sara ye ti ngangu na zo* ahon yongoro na terê ti mbi, 20  azo so ayeke tene atënë na terê ti mo na sioni bê;*ala yeke awato ti mo so adi iri ti mo gï senge senge.+ 21  Jéhovah, azo so ake mo, mbi ke ala ape?+Nga azo so asara kpengba-li na mo, bê ti mbi ake ala ape?+ 22  Mbi ke ala bê oko,+ala ga atâ wato ti mbi. 23  Nzapa, bâ bê ti mbi nzoni, nga gi ti hinga ye so ayeke na yâ ni.+ Bâ mbi nzoni, nga gi ti hinga agingo bê ti mbi.+ 24  Bâ wala na yâ ti mbi mbeni ye so alingbi ti sara sioni na mbi ayeke dä,+nga gue na mbi+ na ndö ti lege ti lakue lakue.

Kete tënë

Na Hébreu: “mû mesure ti.”
Wala “asara si mbi gi li ti mbi dä gbä.”
Wala “Mbi peut ti hinga ye dä pëpe.”
Wala “Shéol,” so ti tene dû ti kuâ so azo kue ayeke gue dä. Bâ na kete bakari.
A lingbi nga ti tene “mo sara si aye ti terê ti mbi atingbi dä.”
Wala “âme ti mbi ahinga.”
A lingbi nga ti tene “mbi yeke ngbâ ti diko ni.”
Wala “azo so ngbanga ti mênë ayeke na li ti ala.”
Wala “alingbi na tënë ti bê ti ala.”