Gue na tënë ti yâ ni

Gue na li ti atënë ni

Psaume 138:1-8

LI TI ATËNË NI

  • Atâa so Nzapa ayeke na nduzu mingi, lo yeke pensé na azo

    • ‘Mo kiri tënë na sambela ti mbi’ (3)

    • ‘Même na yâ ti kpale, mo zi mbi’ (7)

Psaume ti David. 138  Mbi yeke sepela mo na bê ti mbi kue.+ Na devant ti tanga ti anzapa,mbi yeke he bia ti sepela mo.*   Mbi yeke kuku na sese lê na lê na temple* ti mo so ayeke nzoni-kue,+nga mbi yeke sepela iri ti mo,+ndali ti so mo yeke na tâ ndoye nga mo yeke be-ta-zo. Mo sara si tënë ti mo nga na iri ti mo aduti na nduzu ahon tanga ti aye kue.*   Na lango ni so mbi iri mo, mo kiri tënë na mbi;+mo zi mbeto na yâ ti mbi* nga mo sara si mbi kpengba.+   Jéhovah, agbia ti sese kue ayeke sepela mo,+ndali ti so ala mä azendo so mo mû.   Ala yeke zia tënë ti alege ti Jéhovah na yâ ti abia ti ala,ndali ti so gloire ti Jéhovah ayeke kota.+   Atâa so Jéhovah ayeke na nduzu mingi, lo bi bê ti lo na azo so asara terê ti ala kete;+ti azo ti fandara, lo hinga ala, me gï yongoro kâ.+   Même tongana mbi tambela na yâ ti kpale, mo yeke bata mbi na fini.+ Mo yôro maboko ti mo na terê ti awato ti mbi so asara ngonzo;maboko ti mo ti koli ayeke sö mbi.   Jéhovah ayeke sara ye kue ndali ti mbi. Jéhovah, tâ ndoye ti mo angbâ lakue lakue;+ke akusala ti maboko ti mo pëpe.+

Kete tënë

A lingbi nga ti tene “Ti fa so mbi ke tanga ti anzapa, mbi yeke pika mozoko na mo.”
Wala “ndo.”
A lingbi nga ti tene “Mo sara si tënë ti mo aduti na nduzu na ndö ti iri ti mo wani.”
Wala “mo zi mbeto na yâ ti âme ti mbi.”