Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Psaume 137:1-9

LI TI ATËNË NI

  • Na terê ti angu ti Babylone

    • A he abia ti Sion ape (3, 4)

    • A yeke futi Babylone (8)

137  E duti lani na terê ti angu ti Babylone.+ E toto na ngoi so e dabe ti e na Sion.+   E kanga harpe ti ena yâ ti akeke ti peuplier so ayeke kâ.*+   Kâ, azo so agbu e na ngbâa ahunda na e ti he mbeni bia,+azo so ahe e aye si e sara mbeni ye ti zia ngia na bê ti ala; ala tene:“Ala he na e mbeni bia ti Sion.”   E lingbi ti he bia ti Jéhovah tongana nyen?So e yeke na sese ti awande so?   Jérusalem, tongana mbi girisa na ndö ti mo,zia si maboko ti mbi ti koli agirisa ye kue.*+   Zia si langue ti mbi acollé na yâ ti yanga ti mbi,tongana mbi dabe ti mbi na mo pëpenga tongana mbi sara pëpe si Jérusalemaga kozo ye so azia ngia na bê ti mbi.+   Jéhovah, dabe ti mo natënë so azo ti Édom atene na lango so Jérusalem atï; ala tene:“Ala futi ni! Ala futi ni juska na afondation ni!”+   Molenge-wali ti Babylone so, na yâ ti kete ngoi, a yeke futi mo,+ngia ayeke na zo so ayeke sara na momara ti ye so mo sara na e so.+   Ngia ayeke na zo so ayeke gbu ande amolenge ti mo,lo pika ala na terê ti akota tênë.+

Kete tënë

A ye ti sara tënë ti Babylone.
A lingbi nga ti tene “ahule.”