Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Psaume 136:1-26

LI TI ATËNË NI

  • Tâ ndoye ti Jéhovah angbâ lakue lakue

    • A sara yayu na sese na kode (5, 6)

    • Pharaon akui na yâ ti Kota Ngu-Bengba (15)

    • Nzapa adabe ti lo na azo so ayeke na yâ ti vundu (23)

    • Kobe ndali ti aye kue so ayeke na fini (25)

136  Ala kiri singila na Jéhovah, ndali ti so lo yeke nzoni;+tâ ndoye ti lo angbâ lakue lakue.+   Ala kiri singila na Nzapa ti anzapa,+ndali ti so tâ ndoye ti lo angbâ lakue lakue.   Ala kiri singila na Seigneur ti aseigneur,ndali ti so tâ ndoye ti lo angbâ lakue lakue.   Gï lo oko la lo sara akota ye ti kpene,+ndali ti so tâ ndoye ti lo angbâ lakue lakue.+   Lo leke yayu na kode,*+ndali ti so tâ ndoye ti lo angbâ lakue lakue.   Lo gbara sese na ndö ti ngu,+ndali ti so tâ ndoye ti lo angbâ lakue lakue.   Lo sara akota ye so ayeke su,+ndali ti so tâ ndoye ti lo angbâ lakue lakue.   Lo sara lâ ti komande na kota lâ,+ndali ti so tâ ndoye ti lo angbâ lakue lakue,   nga lo sara nze na atongoro ti komande na bï,+ndali ti so tâ ndoye ti lo angbâ lakue lakue. 10  Lo fâ akozo molenge ti Égypte,+ndali ti so tâ ndoye ti lo angbâ lakue lakue. 11  Lo sigi na azo ti Israël na popo ti azo ni,+ndali ti so tâ ndoye ti lo angbâ lakue lakue; 12  lo sigi na ala na lege ti ngangu maboko,+ ngangu maboko so lo yôro ni,ndali ti so tâ ndoye ti lo angbâ lakue lakue. 13  Lo kangbi yâ ti Kota Ngu-Bengba use,*+ndali ti so tâ ndoye ti lo angbâ lakue lakue. 14  Lo sara si azo ti Israël ahon na milieu ni,+ndali ti so tâ ndoye ti lo angbâ lakue lakue. 15  Lo bi Pharaon na aturugu ti lo na yâ ti Kota Ngu-Bengba,+ndali ti so tâ ndoye ti lo angbâ lakue lakue. 16  Lo hon na azo ti lo na yâ ti benyama,+ndali ti so tâ ndoye ti lo angbâ lakue lakue. 17  Lo kinda akota gbia,+ndali ti so tâ ndoye ti lo angbâ lakue lakue. 18  Lo fâ angangu gbia,ndali ti so tâ ndoye ti lo angbâ lakue lakue. 19  Lo fâ Sihon,+ gbia ti azo ti mara ti Amori,ndali ti so tâ ndoye ti lo angbâ lakue lakue, 20  nga na Og,+ gbia ti Basan,ndali ti so tâ ndoye ti lo angbâ lakue lakue. 21  Lo mû akodro ti ala tongana héritage,+ndali ti so tâ ndoye ti lo angbâ lakue lakue, 22  lo mû ni tongana héritage na wakua ti lo Israël,ndali ti so tâ ndoye ti lo angbâ lakue lakue. 23  Lo dabe ti lo na e na ngoi so a bi kamene na lê ti e,+ndali ti so tâ ndoye ti lo angbâ lakue lakue.+ 24  Lo ngbâ lani ti zi e na maboko ti awato ti e,+ndali ti so tâ ndoye ti lo angbâ lakue lakue. 25  Lo mû kobe na ye kue so ayeke na fini,*+ndali ti so tâ ndoye ti lo angbâ lakue lakue. 26  Ala kiri singila na Nzapa ti yayu,ndali ti so tâ ndoye ti lo angbâ lakue lakue.

Kete tënë

Wala “Lo leke yayu na hingango ndo.”
Na Hébreu: “na ambage nde nde.”
Na Hébreu: “na mitele kue.”