Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Psaume 135:1-21

LI TI ATËNË NI

  • Sepela Jah ndali ti kota ti lo

    • Afä nga na amiracle so a sara na terê ti Égypte (8, 9)

    • “Iri ti mo angbâ lakue lakue” (13)

    • Ayanda so fini ayeke na yâ ti ala ape (15-18)

135  Ala sepela Jah!* Ala sepela iri ti Jéhovah;ala sepela lo, ala awakua ti Jéhovah,+   ala so ayeke luti na yâ ti da ti Jéhovah,ala so ayeke luti na lê ti alacour ti da ti Nzapa ti e.+   Ala sepela Jah, ndali ti so Jéhovah ayeke nzoni.+ Ala he bia ti sepela* iri ti lo, ndali ti so a yeke mû ngia na zo.   Jah asoro Jacob ndali ti lo wani,lo soro Israël ti ga ye ti lo so lo zia ni nde.*+   Mbi hinga nzoni so Jéhovah ayeke kota;Seigneur ti e ayeke kota ahon tanga ti anzapa kue.+   Jéhovah ayeke sara ye kue so lo ye ti sara+na yayu, na ndö ti sese, na yâ ti angu-ingo nga na yâ ti adû kue so alï mingi.   Lo sara si ambinda* alondo na nda ti sese kue amonté;lo sara wâ ti bekpa ndali ti* ngu-nzapa;lo sigi na pupu na yâ ti agogoro ti lo.+   Lo fâ akozo molenge ti Égypte,akozo molenge ti azo nga na ti anyama.+   Lo tokua afä nga na amiracle na yâ ti mo Égypte,+lo tokua ni na terê ti Pharaon nga na awakua ti lo kue.+ 10  Lo pika amara mingi+nga lo fâ angangu gbia:+ 11  Sihon, gbia ti azo ti mara ti Amori,+Og, gbia ti Basan,+nga lo futa aroyaume kue ti sese ti Canaan. 12  Lo mû sese ti ala tongana héritage,tongana héritage na azo ti lo, Israël.+ 13  Jéhovah, iri ti mo angbâ lakue lakue. Jéhovah, iri ti mo ayeke ngbâ ti wu* na yâ ti angoi nde nde kue.+ 14  Jéhovah ayeke gbu koko ti azo ti lo,+nga lo yeke bâ mawa ti* awakua ti lo.+ 15  A sara ayanda ti amara na lor nga na argent;a yeke kusala ti maboko ti zo.+ 16  Ala yeke na yanga, me ala peut ti sara tënë pëpe,+ala yeke na lê, me ala peut ti bâ ndo pëpe; 17  ala yeke na mê, me ala peut ti mä ndo pëpe. Pupu ayeke na yanga ti ala pëpe.+ 18  Azo so asara ayanda ayeke ga gï tongana ala,+nga azo kue so azia bê ti ala na ndö ti ayanda ayeke ga gï tongana ala.+ 19  Azo ti Israël, ala sepela Jéhovah. Ahale ti Aaron, ala sepela Jéhovah. 20  Azo ti mara ti Lévi, ala sepela Jéhovah.+ Ala azo so akpe mbeto ti Jéhovah, ala sepela Jéhovah. 21  Zia si, na Sion, a sepela Jéhovah,+Lo so aduti na Jérusalem.+ Ala sepela Jah!+

Kete tënë

Wala “Alléluia!” “Jah” ayeke nduru iri ti Jéhovah.
Wala “pika mozoko na.”
Wala “ye ti lo so ayeke ye ti mosoro.”
Wala “guru ti ngu.”
A lingbi nga ti tene “lo zi lege ti canal ti.”
Na Hébreu: “ye so adabe ti azo na mo ayeke ngbâ.”
Wala “regretté ye so asi na.”