Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Psaume 132:1-18

LI TI ATËNË NI

  • 132 A soro David na Sion

    • “Ke pëpe zo ti mo so mo soro lo” (10)

    • Aprêtre ti Sion ayü salut tongana bongo (16)

Bia ti azo so ayeke monté. 132  Jéhovah, dabe ti mo na David nga na pasi ti lo kue;+   dabe ti mo na lege so lo deba yanga ti lo na mo Jéhovah, nga lege so lo mû zendo na mo Nzapa ti Jacob so ayeke ngangu mingi,+ lo tene:   “Mbi yeke lï pëpe na yâ ti tente ti mbi, ndo so mbi lango dä.+ Mbi yeke lango pëpe na ndö ti tange ti mbi, gbogbo ti mbi;   mbi yeke zia pëpe si lango agbu lê ti mbi, mbi yeke zia pëpe si poro ti lê ti mbi akanga dä,   juska mbi wara mbeni ndo na Jéhovah, mbeni nzoni ndo* ndali ti Nzapa ti Jacob so ayeke ngangu mingi.”+   E mä tënë ni na Éphrathah,+ na e wara ni na ndo so gbako ayeke dä.+   Zia e lï na ndo so lo duti dä;*+ e kuku na gbele mbata ti gere ti lo.+   Jéhovah, mo londo mo ga na ndo ti wungo terê ti mo,+ mo na Sanduku ti ngangu ti mo.+   Zia aprêtre ti mo ayü mbilimbili tongana bongo, nga zia azo ti mo so ayeke be-ta-zo adekongo na ngia. 10  Ndali ti wakua ti mo David, ke pëpe zo ti mo so mo soro lo.+ 11  Jéhovah adeba yanga ti lo na David awe; lo yeke changé yanga ti lo pëpe; lo tene: “Mbeni hale ti mo* la mbi yeke zia lo na ndö ti trône ti mo.+ 12  Tongana amolenge ti mo ti koli abata mbele ti mbi nga na awango so mbi fa na ala,+ amolenge ti ala ti koli nga ayeke duti na ndö ti trône ti mo lakue lakue.”+ 13  Jéhovah asoro Sion;+ lo ye si a ga ndo ti duti ti lo.+ Lo tene: 14  “So ayeke ndo ti wungo terê ti mbi lakue lakue; mbi yeke duti ge,+ ndali ti so a yeke ye so mbi ye la. 15  Mbi yeke sara si gbâ ti anzoni ye aduti dä; mbi yeke sara si awayere so ayeke dä awara mapa alingbi na ala.+ 16  Mbi yeke sara si aprêtre ni ayü salut tongana bongo,+ na azo ni so ayeke be-ta-zo ayeke dekongo na ngia.+ 17  Kâ la mbi yeke sara si ngangu* ti David akono. Mbi leke mbeni lampe awe ndali ti zo ti mbi so mbi soro lo.+ 18  Mbi yeke sara si awato ti lo ayü kamene tongana bongo; me couronne* so ayeke na li ti lo ayeke za zango.”+

Kete tënë

Wala “kota tabernacle so ayeke pendere.”
Wala “kota tabernacle ti lo so ayeke pendere.”
Na Hébreu: “Mbeni lengo ti yâ ti mo.”
Na Hébreu: “didi.”
Wala “kpoto ti gbia.”