Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Psaume 122:1-9

LI TI ATËNË NI

  • Sambela ti tene siriri aduti na Jérusalem

    • Ngia so zo ayeke na ni ti gue na da ti Jéhovah (1)

    • Mbeni gbata so a tingbi ni mo bâ mo tene a yeke gï oko (3)

Bia ti azo so ayeke monté. Psaume ti David. 122  Mbi yeke na ngia tongana a tene na mbi: “Ga e gue na da ti Jéhovah.”+   Fadeso gere ti e ayeke luti na yanga ti agbagba ti mo, Jérusalem.+   A leke Jérusalem tongana mbeni gbata so aye kue ti yâ ni atingbi terê mo bâ mo tene a yeke gï oko.+   Amara ni amonté kâ, amara ti Jah* amonté, a lingbi na ndia so a mû na Israël, ala monté kâ ti kiri singila na Jéhovah ndali ti iri ti lo.+   A leke atrône ti fango ngbanga kâ,+ atrône ti ahale ti David.+   Ala sambela ndali ti siriri ti Jérusalem.+ Mo gbata ni, azo so aye mo mingi ayeke duti nzoni.   Mbi ye si siriri angbâ lakue na yâ ti akota gbagba* ti mo, nga azo angbâ ti duti nzoni na yâ ti angangu tour ti mo.   Ndali ti nzoni ti aita ti mbi nga na ti amba ti mbi so mbi na ala ndo oko, mbi yeke tene: “Zia si siriri aduti na yâ ti mo.”   Ndali ti nzoni ti da ti Jéhovah Nzapa ti e,+ mbi yeke gi nzoni ti mo.

Kete tënë

“Jah” ayeke nduru iri ti Jéhovah.
Wala “angangu gbagba.”