Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Psaume 121:1-8

LI TI ATËNË NI

  • Jéhovah abata azo ti lo

    • “Ye ti mungo maboko na mbi alondo na Jéhovah” (2)

    • Jéhovah alango lâ oko ape (3, 4)

Bia ti azo so ayeke monté. 121  Mbi bâ ndo na nduzu na mbage ti ahoto.+ Ye ti mungo maboko na mbi ayeke londo na mbage wa?   Ye ti mungo maboko na mbi alondo na Jéhovah,+ Lo so asara yayu na sese.   Lo yeke zia lâ oko pëpe si gere ti mo aglissé.*+ Lo so ayeke bata mo, lango ayeke sara lo lâ oko pëpe.   Lo so ayeke bata Israël, lango ayeke sara lo lâ oko pëpe nga lo yeke lango pëpe.+   Jéhovah la ayeke bata mo. Jéhovah ayeke gbe ti dê+ na mbage ti maboko ti mo ti koli.+   Na kota lâ, sungo ti lâ ayeke sara sioni na mo pëpe;+ na bï, sungo ti nze ayeke sara sioni na mo pëpe.+   Jéhovah ayeke bata mo si ye oko asara sioni na mo pëpe.+ Lo yeke bata fini* ti mo.+   Jéhovah ayeke bata mo na yâ ti aye kue so mo sara,* ti londo na lango ti laso ti gue na ni, lakue lakue.

Kete tënë

Wala “ayengi.”
Wala “âme.”
Na Hébreu: “na yâ ti sigingo ti mo nga na kiringo ti mo.”