Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Psaume 120:1-7

LI TI ATËNË NI

  • Mbeni wande aye si siriri aga

    • ‘Zi mbi na maboko ti zo so atene tënë ti handa’ (2)

    • “Mbi ye siriri” (7)

Bia ti azo so ayeke monté.* 120  Mbi iri Jéhovah na ngoi so mbi yeke na yâ ti vundu,+ na lo kiri tënë na mbi.+   Jéhovah, zi mbi* na maboko ti zo so yanga ti lo atene mvene, nga na maboko ti zo so atene tënë ti handa.   Mo so mo tene atënë so ahanda zo, nyen la Nzapa ayeke sara ande na mo? Nyen la Lo yeke sara ti punir mo?*+   Lo yeke punir mo na alê ti kokora+ ti mbeni ngangu zo ti bira, nga na lege ti acharbon so amû wâ mingi,+ so a sara na keke ti genêt.   Mawa na mbi, ndali ti so mbi sara kodro tongana wande na kodro ti Méshek!+ Mbi sara kodro na popo ti atente ti Kédar.+   Mbi sara* kodro aninga ahon ndö ni na popo ti azo so aye siriri pëpe.+   Mbi ye siriri; me tongana mbi zi yanga, ala ye ti ala gï bira.

Kete tënë

Wala “âme ti mbi.”
Na Hébreu: “Nyen la Lo yeke zia na ndö ni na mo?”
Wala “Âme ti mbi asara.”