Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Psaume 12:1-8

LI TI ATËNË NI

  • Jéhovah ayeke londo ti sara mbeni ye

    • Atënë ti yanga ti Nzapa ayeke nzoni kue (6)

Na mokonzi ti azo ti pikango mozoko; ti pika ni alingbi na Sheminith.* Bia ti David. 12  Jéhovah, sö mbi, ndali ti so zo so ayeke be-ta-zo ayeke dä encore ape; azo so ayeke be-ta-zo ahunzi na popo ti azo awe.   Ala tene mvene na mba; anzoni tënë ayeke sigi na yanga ti ala gï ti handa lê ti amba ti ala, nga bê ti ala apusu ala ti tene tënë ti handa.*+   Jéhovah ayeke zi azo kue so ayeke tene anzoni tënë gï ti handa lê ti amba ti ala, nga na azo so apika kate ti ala ahon ndö ni,+   azo so atene: “Yanga ti e ayeke hon ndö ti azo kue. E yeke zi yanga ti tene atënë so bê ti e aye; zo wa la ayeke komande e zo wa?”+   Jéhovah atene: “Ndali ti pasi so a sara na azo ti mawa nga na dema ti awayere,+ mbi yeke londo ti sara mbeni ye. Mbi yeke sö ala na tïtî azo so asara ye na ala tongana ambumbuse zo.”*   Atënë ti yanga ti Jéhovah ayeke nzoni kue;+ a yeke tongana argent so a tö ni na yâ ti four ti sese,* na a zi saleté ni lege mbasambala.   Jéhovah, mo yeke bata ala;+ mo yeke bata ala oko oko kue si azo ti ngoi so asara sioni na ala lâ oko pëpe.   Azo ti sioni ayeke fono ti bê ti ala ndali ti so amolenge ti azo apusu amba ti ala ti sara sioni.+

Kete tënë

Na Hébreu: “na mbeni bê nga na mbeni bê.”
Wala “azere ala zerengo.”
A lingbi nga ti tene “four so a zia ni na sese si ayeke chauffé aye aga ngu.”