Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Psaume 118:1-29

LI TI ATËNË NI

  • Singila ndali ti so Jéhovah asö benda

    • ‘Mbi toto na Jah, na lo kiri tënë na mbi’ (5)

    • “Jéhovah ayeke na terê ti mbi” (6, 7)

    • Tênë so azo ake ni aga kozo tênë ti coin ti da ni (22)

    • “Lo so aga na iri ti Jéhovah” (26)

118  Ala kiri singila na Jéhovah, ndali ti so lo yeke nzoni;+ tâ ndoye ti lo angbâ lakue lakue.   Fadeso zia azo ti Israël atene: “Tâ ndoye ti lo angbâ lakue lakue.”   Fadeso zia ahale ti Aaron atene: “Tâ ndoye ti lo angbâ lakue lakue.”   Fadeso zia azo so akpe mbeto ti Jéhovah atene: “Tâ ndoye ti lo angbâ lakue lakue.”   Mbi toto na Jah* na yâ ti vundu ti mbi; Jah akiri tënë na mbi, na lo gue na mbi na mbeni ndo so ayeke nzoni.*+   Jéhovah ayeke na terê ti mbi; mbeto+ ayeke sara ande mbi pëpe. Nyen la zo apeut ti sara na mbi nyen?+   Jéhovah ayeke na terê ti mbi tongana zo ti mungo maboko na mbi;*+ mbi yeke bâ tingo ti azo so ake mbi.+   A yeke nzoni ti kpe na Jéhovah ti bata terê ahon ti zia bê na ndö ti azo.+   A yeke nzoni ti kpe na Jéhovah ti bata terê ahon ti zia bê na ndö ti amokonzi.+ 10  Amara kue angoro mbi, me na iri ti Jéhovah, mbi pusu ala yamba.+ 11  Ala ngoro mbi, ala ngoro mbi mbage na mbage kue, me na iri ti Jéhovah, mbi pusu ala yamba. 12  Ala ngoro mbi tongana a-otoro, me a zi ala hio tongana ti so wâ ayeke mingo hio na popo ti asisi. Na iri ti Jéhovah, mbi pusu ala yamba.+ 13  Ala pusu mbi ngangu* ti tene mbi tï, me Jéhovah amû maboko na mbi. 14  Jah ayeke ndo so mbi duti dä ti bata terê ti mbi nga ngangu ti mbi; lo ga zo so asö mbi.+ 15  Dekongo ti ngia nga na salut* ayeke na yâ ti atente ti azo ti mbilimbili. Maboko ti Jéhovah ti koli ayeke sara angangu ye.+ 16  Maboko ti Jéhovah ti koli ayeke yâa terê ti lo na nduzu; maboko ti Jéhovah ti koli ayeke fa ngangu ti lo.+ 17  Mbi yeke kui pëpe, ên-ën, mbi yeke ngbâ na fini, si mbi fa tënë ti akusala ti Jah.+ 18  Jah apunir mbi ngangu,+ me lo zia mbi si mbi kui pëpe.+ 19  Zi na mbi ayanga ti gbagba ti mbilimbili;+ mbi yeke lï kâ na mbi sepela Jah. 20  Bâ, yanga ti gbagba ti Jéhovah la. Azo ti mbilimbili ayeke lï ande dä.+ 21  Mbi yeke sepela mo, ndali ti so mo kiri tënë na mbi+ nga mo ga zo so asö mbi. 22  Tênë so azo ti lekengo da ake ni aga ngangu tênë ti coin ti da ni.*+ 23  Ye so alondo na Jéhovah;+ a yeke ye ti dongo bê na lê ti e.+ 24  So ayeke lango so Jéhovah asara si a duti dä; e yeke duti na ngia nga terê ti e anzere ndali ni. 25  Pardon, Jéhovah, e voro mo, sö e! Pardon, Jéhovah, sara si e sö benda! 26  Tënë nzoni ayeke na ndö ti lo so aga na iri ti Jéhovah;+ na da ti Jéhovah, e iri tënë nzoni na ndö ti ala azo. 27  Jéhovah ayeke Nzapa, lo la lo mû lumière na e.+ Ala ga ala bungbi na azo ti matanga, ala kpo molongo, na ala mû amaboko ti keke+ ala gue na terê ti adidi ti gbalaka.+ 28  Mo yeke Nzapa ti mbi, na mbi yeke sepela mo; Nzapa ti mbi, mbi yeke gonda mo.+ 29  Ala kiri singila na Jéhovah,+ ndali ti so lo yeke nzoni; tâ ndoye ti lo angbâ lakue lakue.+

Kete tënë

“Jah” ayeke nduru iri ti Jéhovah.
Wala “ndo so akono.”
A lingbi nga ti tene “legeoko na azo so ayeke mû maboko na mbi.”
A lingbi nga ti tene “Mo pusu mbi ngangu.”
Wala “songo benda.”
Na Hébreu: “li ti coin ni.”