Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Psaume 116:1-19

LI TI ATËNË NI

  • Bia ti singila

    • “Nyen la mbi yeke mû na Jéhovah?” (12)

    • “Mbi yeke gbu kopo ti salut” (13)

    • “Mbi yeke sara ye alingbi na azendo so mbi mû na Jéhovah” (14, 18)

    • Kuâ ti abe-ta-zo ayeke kota ye (15)

116  Mbi ye Jéhovah, ndali ti so lo mä* go ti mbi, toto so mbi toto na lo ti mû maboko na mbi.+   Lo dengi mê ti lo ti mä* mbi;+ na ngoi kue so mbi yeke na fini,* mbi yeke iri lo.   Akamba ti kuâ angoro mbi; Dû ti kuâ agbu mbi.*+ Pasi na vundu ahon ndö ti mbi.+   Me mbi toto na iri ti Jéhovah,+ mbi tene: “Aï Jéhovah, zi mbi!”*   Jéhovah ayeke bâ mawa ti zo* nga lo yeke mbilimbili;+ Nzapa ti e ayeke sara ye na nzoni bê.+   Jéhovah ayeke bata zo so ahinga ndo mingi pëpe.+ A kiri na ngangu ti mbi na gbe ni, me lo sö mbi.   Zia si âme* ti mbi akiri awu terê ti lo ndali ti so Jéhovah asara ye na nzoni bê na mbi.   Mo zi mbi* na lê ti kuâ, mo zi ngu ti lê na lê ti mbi, mo sara si mbi pika gere ti mbi pëpe.+   Mbi yeke tambela na gbele Jéhovah na popo ti azo so ayeke na fini. 10  Mbi yeke lani na mabe, ni la mbi sara tënë;+ mbi bâ pasi mingi. 11  Âdu ti mbi, li ti mbi aga kirikiri si mbi tene: “Zo kue ayeke gï zo ti mvene.”+ 12  Nyen la mbi yeke mû na Jéhovah ndali ti anzoni ye kue so lo sara ndali ti mbi? 13  Mbi yeke gbu kopo ti salut,* na mbi yeke di iri ti Jéhovah. 14  Mbi yeke sara ye alingbi na azendo so mbi mû na Jéhovah na lê ti azo ti lo kue.+ 15  Kuâ ti awakua ti Jéhovah so ayeke be-ta-zo ayeke kota ye mingi* na lê ti lo.+ 16  Mbi voro yanga na mo, Jéhovah, ndali ti so mbi yeke wakua ti mo. Mbi yeke wakua ti mo, molenge ti ngbâa ti mo ti wali. Mo zi mbi lani na yâ ti kamba so akanga mbi.+ 17  Mbi yeke mû na mo sandaga ti kiringo singila;+ mbi yeke di iri ti Jéhovah. 18  Mbi yeke sara ye alingbi na azendo so mbi mû na Jéhovah+ na lê ti azo ti lo kue,+ 19  na lê ti alacour ti da ti Jéhovah,+ na yâ ti mo, Jérusalem. Ala sepela Jah!*+

Kete tënë

A lingbi nga ti tene “Mbi yeke na ndoye ndali ti so Jéhovah amä.”
Wala “kuku ti mä.”
Na Hébreu: “na yâ ti alango ti mbi.”
Na Hébreu: “Aye ti vundu ti Shéol awara mbi.”
Wala “âme ti mbi.”
Wala “Jéhovah asi na grâce.”
Wala “âme ti mbi.”
Wala “kota salut.”
Na Hébreu: “ye so ngere ni ayeke kota mingi.”
Wala “Alléluia!” “Jah” ayeke nduru iri ti Jéhovah.