Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Psaume 115:1-18

LI TI ATËNË NI

  • Zia a mû gloire gï na Nzapa

    • Ayanda so fini ayeke na yâ ti ala ape (4-8)

    • Nzapa amû sese na azo (16)

    • “Akuâ ayeke sepela Jah ape” (17)

115  Jéhovah, mû gloire na e pëpe, mû ni na e pëpe,* me mû gloire na iri ti mo+ ndali ti so mo yeke na tâ ndoye nga mo yeke be-ta-zo.+   Ndani nyen ti tene amara atene: “Ka Nzapa ti ala ni ayeke na ndo wa?”+   Nzapa ti e ayeke na yayu; lo yeke sara ye kue so lo ye ti sara.   A sara ayanda ti ala na lor nga na argent; a yeke kusala ti maboko ti zo.+   Ala yeke na yanga, me ala peut ti sara tënë pëpe;+ ala yeke na lê, me ala peut ti bâ ndo pëpe;   ala yeke na mê, me ala peut ti mä ndo pëpe; ala yeke na hôn, me ala peut ti mä fion ti ye pëpe;   ala yeke na maboko, me ala peut ti ndu ye pëpe; ala yeke na gere, me ala peut ti tambela pëpe;+ mbeni tënë oko ayeke sigi na lege ti go ti ala pëpe.+   Azo so asara ayanda ayeke ga gï tongana ala,+ nga azo kue so azia bê ti ala na ndö ti ayanda ayeke ga gï tongana ala.+   Azo ti Israël, ala zia bê ti ala na ndö ti Jéhovah:+ lo la lo mû maboko na ala nga lo yeke vala ti ala.+ 10  Ahale ti Aaron,+ ala zia bê ti ala na ndö ti Jéhovah: lo la lo mû maboko na ala nga lo yeke vala ti ala. 11  Azo so akpe mbeto ti Jéhovah, ala zia bê ti ala na ndö ti Jéhovah:+ lo la lo mû maboko na ala nga lo yeke vala ti ala.+ 12  Jéhovah adabe ti lo na e nga lo yeke sara ande tufa na ndö ti e; lo yeke sara tufa na ndö ti azo ti Israël;+ lo yeke sara tufa na ndö ti ahale ti Aaron. 13  Jéhovah ayeke sara tufa na ndö ti azo so akpe mbeto ti lo, akete zo nga na akota zo. 14  Jéhovah ayeke sara si ala wu, ala na amolenge* ti ala.+ 15  Zia si Jéhovah asara tufa na ndö ti ala,+ Lo so asara yayu na sese.+ 16  Yayu ayeke ti Jéhovah,+ me sese, lo mû ni na amolenge ti azo.+ 17  Akuâ ayeke sepela Jah pëpe,+ nga azo so ague na yâ ti dû ti kuâ*+ alingbi pëpe ti sepela lo. 18  Me e, e yeke sepela Jah, ti londo na lango ti laso ti gue na ni, lakue lakue. Ala sepela Jah!*

Kete tënë

Wala “Ye oko ayeke ti e pëpe, Jéhovah, ye oko ayeke ti e pëpe.”
Na Hébreu: “amolenge-koli.”
Na Hébreu: “na ndo so ndo adë dä ngii.”
Wala “Alléluia!” “Jah” ayeke nduru iri ti Jéhovah.