Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Psaume 113:1-9

LI TI ATËNË NI

  • Atâa so Nzapa aduti kâ na nduzu, lo yô zo ti mawa na nduzu

    • A lingbi a sepela iri ti Jéhovah lakue lakue (2)

    • Nzapa akuku ti bâ sese (6)

113  Ala sepela Jah!* Ala awakua ti Jéhovah, ala sepela lo; ala sepela iri ti Jéhovah.   Zia si a sepela iri ti Jéhovah, ti londo na lango ti laso ti gue na ni, lakue lakue.+   Ti londo na sigingo ti lâ ti si na lindango ti lâ, zia a sepela iri ti Jéhovah.+   Jéhovah ayeke na nduzu na ndö ti amara kue;+ gloire ti lo ayeke na nduzu ahon yayu.+   Zo wa la ayeke tongana Jéhovah Nzapa ti e?+ Lo so aduti* kâ na nduzu so?   Lo kuku ti bâ yayu na sese;+   lo yô na nduzu azo ti mawa so ayeke na yâ ti fuku ti sese. Lo yô na nduzu wayere so ayeke na yâ ti gbâ ti mburu ti wâ so a bungbi ni ndo oko,*+   ti sara si lo duti na popo ti akota zo, akota zo ti kodro ti lo.   Lo sara si wali so adü pëpe awara da, lo ga mama ti amolenge* na lo yeke na ngia.+ Ala sepela Jah!*

Kete tënë

Wala “Alléluia!” “Jah” ayeke nduru iri ti Jéhovah.
Wala “aduti na ndö ti trône.”
A lingbi nga ti tene “ndo ti tukungo asaleté dä.”
Na Hébreu: “amolenge-koli.”
Wala “Alléluia!” “Jah” ayeke nduru iri ti Jéhovah.