Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Psaume 110:1-7

LI TI ATËNË NI

  • Mbeni gbia na prêtre tongana ti Melkisédek

    • ‘Komande na popo ti awato ti mo’ (2)

    • Amaseka ayeke tongana ngu ti pere ti ndapre (3)

Psaume ti David. Bia. 110  Jéhovah atene na Seigneur ti mbi: “Mo duti na mbage ti maboko ti mbi ti koli+ juska mbi zia awato ti mo tongana mbata ti gere ti mo.”+   Jéhovah ayeke sara si keke ti komandema ti mo alondo na Sion asigi; na lo tene: “Gue mo sö benda na popo ti awato ti mo.”+   Na lango so mo yeke gue na aturugu ti mo ti sara bira,* azo ti mo ayeke londo na bê ti ala wani ti gue. Mo yeke na groupe ti amaseka ti mo ti koli so ayeke tongana ngu ti pere ti ndapre. Na bango ala, ala yeke nzoni-kue nga pendere mingi.   Jéhovah adeba yanga ti lo awe lo yeke changé yanga ti lo pëpe, lo tene: “Mo yeke prêtre kpu na kpu+ tongana ti Melkisédek!”+   Jéhovah ayeke luti na mbage ti maboko ti mo ti koli;+ lo yeke neka agbia na lango ti ngonzo ti lo.+   Lo yeke sara ye alingbi na ngbanga so lo fâ na li* ti amara;+ lo yeke sara si sese asi singo na kuâ ti azo.+ Lo yeke neka mokonzi* ti mbeni kota kodro.*   Lo* yeke nyon ngu so ayeke sua na terê ti lege. Ndani la lo yeke yô li ti lo na nduzu.

Kete tënë

Wala “Na lango so aturugu ti mo abungbi ti sara bira.”
Wala “na popo.”
Na Hébreu: “li.”
Wala “ti sese kue.”
A ye ti sara tënë ti tënë “Seigneur ti mbi” so ayeke na versê 1.