Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Psaume 11:1-7

LI TI ATËNË NI

  • Batango terê na mbage ti Jéhovah

    • “Jéhovah ayeke na yâ ti temple ti lo so ayeke nzoni-kue” (4)

    • Nzapa ake zo kue so aye sarango ye ti ngangu na zo (5)

Na mokonzi ti azo ti pikango mozoko. Psaume ti David. 11  Mbi kpe na mbage ti Jéhovah ti bata terê ti mbi.+ A sara tongana nyen si mo tene na mbi:* “Kpe tongana ndeke mo gue na ndö ti hoto ti mo?   Bâ tongana nyen azo ti sioni agboto yâ ti kokora ti ala; ala zia lê ti kokora ti ala na terê ti kamba ni si, na yâ ti bingo, ala pika azo so bê ti ala ayeke mbilimbili.   Tongana a kungbi afondation,* nyen la azo ti mbilimbili alingbi ti sara?”   Jéhovah ayeke na yâ ti temple ti lo so ayeke nzoni-kue.+ Trône ti Jéhovah ayeke na yayu.+ Lê ti lo ayeke bâ ndo; lê ti lo so akpengba* ayeke bâ azo ti sese.+   Zo ti mbilimbili nga na zo ti sioni, Jéhovah ayeke bâ ala mbilimbili;+ Lo ke* zo kue so aye sarango ye ti ngangu na zo.+   Lo yeke sara si agbanda* atï na ndö ti azo ti sioni tongana ngu-nzapa: wâ na soufre+ nga na pupu so asara si ye ahule ayeke ye so a yeke tuku na yâ ti kopo ti ala.   Jéhovah ayeke mbilimbili;+ lo ye sarango ye ti mbilimbili.+ Azo ti mbilimbili ayeke bâ ande lê ti lo.*+

Kete tënë

Wala “âme ti mbi.”
Wala “afondation ti fango ngbanga ti mbilimbili.”
Wala “aza.”
Wala “âme ti Lo ake.”
A lingbi nga ti tene “alê ti wâ.”
Wala “ayeke nzere na lê ti lo.”