Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Psaume 109:1-31

LI TI ATËNË NI

  • Sambela ti mbeni zo so ayeke na yâ ti vundu

    • ‘Zia si mbeni zo nde amû place ti lo’ (8)

    • Nzapa aluti na terê ti wayere (31)

Na mokonzi ti azo ti pikango mozoko. Psaume ti David. Bia. 109  Nzapa so mbi sepela mo,+ duti kpô pëpe,   ndali ti so azo ti sioni na azo ti handa azi yanga ti ala na terê ti mbi. Ala tene mvene na iri ti mbi;+   ala ngoro mbi, ala yeke tene asioni tënë na mbi,ala tiri na mbi senge senge.+   Ala ke mbi atâa so mbi ye ala;+me mbi ngbâ lakue ti sambela.   Ala kiri na mbi sioni na place ti nzoni,+nga mbi ye ala, me ala ke mbi.+   Zia mbeni sioni zo na ndö ti lo;zia si mbeni zo ti lutingo* na lo aluti na terê ti lo na mbage ti koli.   Na ngoi so a yeke fâ ngbanga ti lo, zia si a wara tënë na li ti lo;*zia si a bâ même sambela ti lo tongana mbeni siokpari.+   Zia si alango ti fini ti lo awu pëpe;+zia mbeni zo nde amû kusala ti lo ti bango ndo na ndö ti ye.+   Zia si amolenge ti lo* aga amolenge so babâ ti ala ayeke dä pëpena wali ti lo aga wali-mua. 10  Zia si amolenge ti lo* aga azo so afono ti iri ye;ala londo na yanga-da ti ala so abuba awe ti gue ti gi kobe. 11  Zia si zo so asara bon na lo agbu* aye ti lo kue,nga zia si awande anzi aye ti lo. 12  Zia si mbeni zo asara nzoni bê* na lo pëpe,nga zia si mbeni zo asara nzoni bê na amolenge ti lo so aga anyindu so pëpe. 13  Zia si a futi ahale ti lo.+Zia si a zi iri ti ala si azo so a dü ala na peko ti ala adabe ti ala na ala pëpe. 14  Zia si Jéhovah adabe ti lo na faute ti akotara ti lo,+nga zia si a zi siokpari ti mama ti lo pëpe. 15  Zia si Jéhovah adabe ti lo lakue na ye so ala sara;nga zia si lo zi na ndö ti sese aye kue so ayeke dabe ti azo na ala,+ 16  ndali ti so koli so abi bê ti lo ti sara nzoni bê* na zo pëpe,+me lo ngbâ ti tomba peko ti zo so azo asara pasi na lo,+ ti wayere nga na ti zo so vundu ahon ndö ti loti sara si lo wara kuâ.+ 17  Lo ye gï ti deba zo, ni la deba akiri na ndö ti lo so;lo ye ti iri tënë nzoni na ndö ti zo pëpe, ni la a iri tënë nzoni na ndö ti lo pëpe. 18  Lo yü adeba ni tongana bongo. A lï na yâ ti terê ti lo tongana ngu,a lï na yâ ti abio ti lo tongana mafuta. 19  Zia si adeba ni aduti tongana bongo so lo bi na terê ti lo+nga tongana ceinture so lo yeke kanga lakue. 20  So ayeke futa so Jéhovah ayeke mû na zo so ake mbi+nga na azo so ayeke tene sioni tënë na terê ti mbi.* 21  Me mo Jéhovah, Seigneur ti dunia kue,ndali ti iri ti mo, sara mbeni ye ndali ti mbi.+ Zi mbi, ndali ti so tâ ndoye ti mo ayeke nzoni,+ 22  ndali ti so zo ti mungo maboko na mbi ayeke dä pëpe nga mbi yeke wayere,+nga mbeni ye akpo mbi na yâ ti bê ti mbi.+ 23  Mbi yeke hon tongana gbe ti dê so ayeke hon;A tomba mbi tongana ti so zo ayeke tomba gbadora. 24  Genou ti mbi awoko kue na mungo jeûne,mbi nge, na nyama ti terê ti mbi ayeke dä encore ape.* 25  Mbi la azo ayeke gi yanga ti mbi.+ Tongana ala bâ mbi, ala yengi li ti ala.+ 26  Jéhovah Nzapa ti mbi, mû maboko na mbi;so mo yeke na tâ ndoye, sö mbi. 27  Zia si ala hinga so maboko ti mo la asara ye so;so mo Jéhovah la mo sara ye so. 28  Zia ala deba mbi, me mo sara ti mo tufa na ndö ti mbi. Tongana ala londo na terê ti mbi, zia si kamene asara ala;me zia si mbi wakua ti mo mbi duti na ngia. 29  Zia si azo so ake mbi ayü kamene tongana bongo;zia si ala yü kamene ni tongana yongoro bongo.*+ 30  Mbi yeke sepela Jéhovah na bê ti mbi kue;mbi yeke sepela lo na lê ti gbâ ti azo.+ 31  Lo yeke luti na terê ti wayere na mbage ti koliti sö lo na maboko ti azo so afâ ngbanga na li ti lo.*

Kete tënë

Wala “zo so abi tënë na li ti zo.”
Wala “a tene so lo yeke zo ti sioni.”
Na Hébreu: “amolenge ti lo ti koli.”
Na Hébreu: “amolenge ti lo ti koli.”
Wala “Zia si azo so ahunda gbâ ti intérêt azia kûkû ndali ti.”
Wala “afa tâ ndoye.”
Wala “fa tâ ndoye.”
Wala “âme ti mbi.”
Na Hébreu: “nyama ti terê ti mbi akiri kete, sân mafuta.”
Wala “kota bongo so maboko ni ayeke dä pëpe.”
Wala “âme ti lo.”