Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Psaume 108:1-13

LI TI ATËNË NI

  • Sambela ti hon awato na ngangu

    • Salut so alondo na azo ayeke ye oko ape (12)

    • “Nzapa ayeke sara si e wara ngangu” (13)

Bia. Bia ti David. 108  Nzapa, bê ti mbi ayengi pëpe. Mbi yeke he bia nga mbi yeke pika mozoko na akode ti mbi kue.+   Mo, ye ti mozoko so ayeke na kamba, mo zingo; harpe, mo nga kue mo zingo.+ Ti mo ndapre, mbi yeke zingo mo na lango.   Jéhovah, mbi yeke sepela mo na popo ti azo ti amara; mbi yeke he bia ti sepela* mo na popo ti amara,   ndali ti so tâ ndoye ti mo ayeke kota, a yeke na nduzu mingi tongana yayu,+ nga aye so afa so mo yeke be-ta-zo ague juska andu lê ti nduzu.   Nzapa, zia si a yâa mo na nduzu ahon yayu; zia si gloire ti mo aduti na nduzu na ndö ti sese kue.+   Sö e na maboko ti mo ti koli nga mo kiri tënë na mbi si a zi e azo so mo ye ala.+   Nzapa so ayeke nzoni-kue* atene: “Mbi yeke dekongo na ngia, mbi yeke mû Sichem+ na azo tongana héritage; nga mbi yeke mû mesure ti Popo-hoto* ti Succoth.+   Galaad+ ayeke ti mbi, tongana ti so Manassé ayeke ti mbi, nga Éphraïm ayeke casque* ndali ti li ti mbi;+ Juda ayeke keke ti mbi ti komandema.+   Moab ayeke sembe so mbi sukula ngu dä.+ Mbi yeke bi poro ti mbi na ndö ti Édom.+ Mbi yeke dekongo ti songo benda na ndö ti Philistie.”+ 10  Zo wa la ayeke gue na mbi na gbata so ngangu gbagba ayeke na terê ni so? Zo wa la ayeke fa lege na mbi juska ti si na Édom?+ 11  A yeke pëpe mo Nzapa, so mo ke e? Nzapa ti e, so mo sigi na terê ti aturugu ti e encore ape ti gue na bira.+ 12  Mû maboko na e na yâ ti vundu ti e,+ ndali ti so salut so alondo na azo ayeke ye oko pëpe.+ 13  Nzapa ayeke sara si e wara ngangu,+ nga lo yeke tambela na ndö ti awato ti e.+

Kete tënë

Wala “pika mozoko na.”
A lingbi nga ti tene “na yâ ti ndo ti lo so ayeke nzoni-kue.”
Wala “Kpangbala ndo.”
Na Hébreu: “ngangu gbagba.”