Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Psaume 107:1-43

LI TI ATËNË NI

  • Kiri singila na Nzapa ndali ti apendere kusala ti lo

    • Lo sara si ala tambela na ndö ti nzoni lege (7)

    • Lo mû ngu na kobe na zo so ye amanke lo (9)

    • Lo sigi na ala na yâ ti ndo so avuko pitipiti (14)

    • Lo mû yanga, na terê ti ala asava (20)

    • Lo bata wayere si azo asara pasi na lo ape (41)

(Psaume 107-150) 107  Azo, ala kiri singila na Jéhovah, ndali ti so lo yeke nzoni;+ tâ ndoye ti lo angbâ lakue lakue.+   Zia si azo so Jéhovah azi* ala atene tënë so, ala so lo zi ala na maboko* ti wato,+   ala so lo zi ala na yâ ti akodro nde nde si lo bungbi ala ndo oko,+ lo zi ala na mbage ti est nga na ouest,* na mbage ti nord nga na sud.+   Ala fono lani gï tongaso na yâ ti benyama, na yâ ti désert; ala wara pëpe mbeni lege so ague na ala na yâ ti mbeni gbata si ala sara kodro dä.   Nzara ti kobe na ti ngu asara ala lani; ala woko* kue, ngangu ti ala ahunzi.   Lakue, ala toto na Jéhovah na yâ ti vundu ti ala;+ lo zi ala na yâ ti kpale ti ala.+   Lo sara si ala tambela na ndö ti nzoni lege+ ti si na mbeni gbata so ala lingbi ti sara kodro dä.+   Zia si azo akiri singila na Jéhovah+ ndali ti tâ ndoye ti lo nga ndali ti akusala ti dongo bê so lo sara ndali ti amolenge ti azo.+   Zo so nzara ti ngu asara lo,* lo mû ngu na lo; zo so nzara ti kobe asara lo,* lo mû anzoni ye na lo.+ 10  Ambeni alango na ndo so avuko pitipiti, ambeni ayeke azo ti kanga so abâ pasi nga so a kanga ala na yâ ti wen, 11  ndali ti so ala ke ti mä yanga ti Nzapa; ala bâ wango ti Lo so ayeke na nduzu na ndö ti aye kue tongana mbumbuse ye.+ 12  Tongaso, na lege ti aye ti ngangu, lo sara si ala sara terê ti ala kete;+ ala pika gere ti ala ala tï, na mbeni zo ti mû maboko na ala ayeke dä pëpe. 13  Ala toto na Jéhovah ti mû maboko na ala na yâ ti vundu ti ala; lo sö ala na yâ ti kpale ti ala. 14  Lo sigi na ala na yâ ti ndo so avuko pitipiti, nga lo fâ yâ ti achaîne so a kanga na ala.+ 15  Zia si azo akiri singila na Jéhovah ndali ti tâ ndoye ti lo+ nga ndali ti akusala ti dongo bê so lo sara ndali ti amolenge ti azo. 16  Lo kungbi ayanga-da so a sara ni na cuivre, nga lo fâ yâ ti abarre ni so a sara ni na wen.+ 17  Ala sara ye ti buba na ala bâ pasi+ ndali ti so ala ke ndia nga ala sara afaute.+ 18  Nzara ti akobe kue asigi na yâ ti ala;* ala si nduru na ayanga ti gbagba ti kuâ. 19  Ala yeke toto na Jéhovah ti mû maboko na ala na yâ ti vundu ti ala; lo yeke sö ala na yâ ti kpale ti ala. 20  Lo yeke mû yanga, na terê ti ala asava,+ nga lo zi ala na yâ ti adû so ala yeke dä si lege ti sigi ayeke dä pëpe. 21  Zia si azo akiri singila na Jéhovah ndali ti tâ ndoye ti lo nga ndali ti akusala ti dongo bê so lo sara ndali ti amolenge ti azo. 22  Zia si ala mû asandaga ti kiringo singila+ nga ala dekongo na ngia ti fa tënë ti akusala ti lo. 23  Azo so asara voyage na abateau na lê ti ngu-ingo, so ayeke dë buze na ndö ti akota ngu,+ 24  ala bâ akusala ti maboko ti Jéhovah nga na akusala ti lo so adö bê, so ayeke kâ na gbe ti ngu;+ 25  ala bâ tongana nyen kota pupu alondo grâce na tënë ti yanga ti lo,+ na a sara si amapo ti ngu-ingo ni alondo. 26  Bateau ni alondo na ala juska na lê ti nduzu, na a tï na ala kâ na gbe ni. * ti ala awoko kue ndali ti ye ti ngangu so ayeke ku ala. 27  Li ti ala atourné, ala tambela kirikiri tongana zo so asoulé; akode kue so ala yeke na ni asara ye oko pëpe.+ 28  Tongaso, ala toto na Jéhovah na yâ ti vundu ti ala,+ na lo zi ala na yâ ti kpale ti ala. 29  Lo sara si kota pupu ni akaï, na amapo ti ngu-ingo ni adë ngii.+ 30  Azo ni ayeke na ngia na ngoi so ndo adë, na lo gue na ala na port so ala ye ti gue dä. 31  Zia si azo akiri singila na Jéhovah ndali ti tâ ndoye ti lo nga ndali ti akusala ti dongo bê so lo sara ndali ti amolenge ti azo.+ 32  Zia si ala gonda kota ti lo na yâ ti congrégation ti azo;+ nga zia si ala sepela lo na yâ ti bungbi* ti a-ancien. 33  Lo sara si akota ngu aga désert, na ali ti ngu aga hulengo ndo,+ 34  nga sese so alë lê ti kobe aga kuru sese so ingo ayeke dä+ ndali ti sioni ti azo so asara kodro dä. 35  Lo sara si désert aga aplace ti ngu so asosongo ayeke dä, nga hulengo sese aga ali ti ngu.+ 36  Lo sara si azo so nzara asara ala asara kodro kâ,+ si ala leke gbata na ndo so ala lingbi ti sara kodro dä.+ 37  Ala fâ yaka na ala lu akeke ti vigne+ so alë gbâ ti alê ti kobe.+ 38  Lo iri tënë nzoni na ndö ti ala, na wungo ti ala ague na li ni mingi; lo zia pëpe si wungo ti abagara ti ala akiri na gbe ni.+ 39  Me wungo ti ala akiri aga kete nga a bi kamene na lê ti ala ndali ti pasi so azo asara na ala, ndali ti aye ti ngangu so asi na ala nga na vundu so ala yeke dä. 40  Lo sara si a ne akota zo ti kodro ti ala pëpe, nga lo sara si ala fono gï tongaso na yâ ti benyama so lege ayeke dä pëpe.+ 41  Me lo bata awayere* si azo asara pasi na ala pëpe,+ nga lo sara si azo ti sewa ti ala aga gbani tongana anyama ti mbeni berger. 42  Azo ti mbilimbili abâ ye so, na ala duti na ngia;+ me azo kue so ayeke mbilimbili pëpe akanga yanga ti ala.+ 43  Zo kue so ayeke na ndara ayeke bâ aye so,+ na lo yeke gbu li ti lo nzoni na ndö ti aye so Jéhovah asara ti fa tâ ndoye ti lo.+

Kete tënë

Wala “afuta ye ti zi.”
Wala “na gbe ti komandema.”
Wala “ti londo na ndo so lâ ayeke sigi dä nga na ndo so lâ ayeke linda dä.”
Wala “âme ti ala awoko.”
Wala “Âme so go ti lo ahule.”
Wala “âme so nzara ti kobe asara lo.”
Wala “Âme ti ala ake akobe kue.”
Wala “Âme.”
Na Hébreu: “ngende.”
Wala “lo zia awayere na nduzu kâ,” so ti tene zo apeut ti si na ala pëpe.