Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Psaume 106:1-48

LI TI ATËNË NI

  • Israël akiri singila ape

    • Ala girisa hio akusala ti Nzapa (13)

    • A mû gloire ti Nzapa a mû na mbeni statue ti kete bagara (19, 20)

    • Ala mä na bê na zendo ti Nzapa ape (24)

    • Ala bungbi na azo ti voro Baal (28)

    • Ala mû amolenge na sandaga na adémon (37)

106  Azo, ala sepela Jah!*Ala kiri singila na Jéhovah, ndali ti so lo yeke nzoni;+tâ ndoye ti lo angbâ lakue.+   Zo wa la alingbi ti fa atënë kue na ndö ti akpengba kua ti Jéhovah?wala ti sara tënë ti akusala ti lo kue so alingbi na gonda?+   Ngia ayeke na azo so ayeke sara ye mbilimbili,azo so asara ye lakue na lege ni.+   Jéhovah, na ngoi so mo yeke sara nzoni bê na azo ti mo, girisa mbi pëpe.+Bâ lege ti mbi na lege ti aye so mo sara ti sö zo,  si mbi nga mbi wara nzoni bê so mo fa na azo ti mo so mo soro ala,+si mbi duti na ngia legeoko na mara ti monga si, na ngia na bê, mbi sepela* mo legeoko na héritage ti mo.   E sara siokpari awe, tongana ti so akotara ti e asara;+e sara ye so ayeke na lege ni pëpe; e sara ye ti sioni.+   Lani na Égypte akotara ti e abâ na nene ni pëpe* akusala ti mo so adö bê.Ala dabe ti ala pëpe na tâ ndoye ti mo so asi singo;me ala sara kpengba-li na ngu-ingo, na terê ti Kota Ngu-Bengba.+   Me lo sö ala ndali ti iri ti lo,+si azo ahinga kota ngangu ti lo.+   Lo suku na Kota Ngu-Bengba, na ngu ni ahule;lo hon na ala na popo ti ngu so alï, tongana ti so zo ayeke hon na yâ ti désert;*+ 10  lo sö ala na maboko ti azo so ake ala+nga lo zi ala na maboko ti wato ti ala.+ 11  Angu ni amene awato ti ala;mbeni oko asö kuâ* pëpe.+ 12  Na pekoni, ala mä na bê na zendo so lo mû;+ala komanse ti he bia ti sepela lo.+ 13  Me gï hio tongaso, ala girisa ye so lo sara;+ala ku pëpe ti mä wango ti lo. 14  Ala zia si asioni nzara ti bê ti ala ahon ndö ti ala na yâ ti benyama;+ala tara Nzapa na yâ ti désert.+ 15  Lo mû na ala ye so ala hundame na pekoni lo pika ala na mbeni sioni kobela so asara si ngangu ahunzi na ala* kue.+ 16  Na yâ ti camp, kota bê asara ala na terê ti Moïse,nga na terê ti Aaron,+ lo so Jéhovah azia lo nde ndali ti kua ti Lo.+ 17  Tongaso sese asuru amene Dathan,nga sese akanga na ndö ti azo so abungbi na terê ti Abiram.+ 18  Wâ alondo na yâ ti groupe ti azo so;wâ agbi azo ti sioni so.+ 19  Ala leke kete koli-bagara na Horeb,ala kuku na gbe ti statue ti wen;*+ 20  ala mû gloire ti mbi,ala mû ni na statue ti koli-bagara so ate pere.+ 21  Ala girisa Nzapa+ so ayeke Sauveur ti ala,lo so asara akota ye na Égypte,+ 22  lo so asara akusala so adö bê na sese ti Cham+nga na akusala ti mungo mbeto na zo na Kota Ngu-Bengba.+ 23  A ngbâ kete lo mû yanga ti tene a futi ala,me Moïse, lo so lo soro lo, avoro yanga na lo ndali ti ala*ti sara si ngonzo ti lo adë si lo fâ ala pëpe.+ 24  Na pekoni, ala bâ pendere sese ni tongana mbumbuse ye;+ala mä na bê na zendo ti lo pëpe.+ 25  Ala ngbâ lani ti diko tënë na yâ ti atente ti ala;+ala mä yanga ti Jéhovah pëpe.+ 26  Ni la lo yôro maboko ti lo na nduzu, lo deba yanga ti lo na terê ti ala,lo tene so lo yeke sara si ala tï na yâ ti benyama;+ 27  lo yeke sara si ahale ti ala atï na popo ti amaranga lo yeke kangbi yâ ti ala kirikiri na yâ ti akodro nde nde.+ 28  Na pekoni, ala bungbi na azo ti voro* Baal ti Péor,+na ala te akobe so a mû ni na sandaga na akuâ.* 29  Ala gi yanga ti lo na lege ti aye so ala sara,+na mbeni ye ti ngangu asungba na popo ti ala.+ 30  Me tongana Phinéhas alondo si lo sara mbeni ye,ye ti ngangu ni akaï.+ 31  Na Nzapa adiko ni na lo tongana mbilimbilina yâ ti angoi nde nde kue.+ 32  Ala gi yanga ti Lo na ngu ti Méribah,*na Moïse awara kpale ndali ti ala.+ 33  Ala sara si bê ti lo ason,na lo tene tënë hio sân ti gbu li.+ 34  Ala futi amara ni pëpe,+tongana ti so Jéhovah amû yanga na ala ti sara.+ 35  Me ala sara songo na amara ni,+na ala mû* sarango ye ti ala.+ 36  Ala ngbâ lani ti voro ayanda ti azo ni,+na a ga mbeni kûkû ti gbungo ala.+ 37  Ala yeke mû amolenge ti ala ti kolina ti wali na sandaga na adémon.+ 38  Ala ngbâ lani ti tuku mênë ti azo so tënë ayeke na li ti ala pëpe,+mênë ti amolenge ti ala ti koli na ti waliso ala mû ala na sandaga na ayanda ti sese ti Canaan;+na mênë so ala tuku asara si sese ni aga sioni. 39  Akusala ti ala asara si ala ga sioni,akusala ti ala afa so ala sara ndumba na lege ti yingo.+ 40  Tongaso, ngonzo ti Jéhovah alondo tongana wâ na terê ti azo ti lo,na lo gue juska ti ke héritage ti lo. 41  Fani mingi, lo zia ala na maboko ti azo ti amara,+si azo so ake ala akomande na ndö ti ala.+ 42  Awato ti ala asara pasi na ala,na ala ga na gbe ti komandema* ti ala. 43  Fani mingi, lo zi ala+me ala sara kpengba-li nga ala ke yanga ti lo;+a yeke bi kamene na lê ti ala ndali ti faute ti ala.+ 44  Me lo bâ kota vundu ti ala+na lo mä toto so ala toto na lo ti wara mungo maboko.+ 45  Ndali ti ala, lo dabe ti lo na mbele ti lo,nga tâ ndoye ti lo so ayeke kota* apusu lo ti bâ mawa ti ala.*+ 46  Lo sara si mawa ti ala asaraazo kue so agbu ala na ngbâa.+ 47  Jéhovah Nzapa ti e, mo sö e!+Zi e na popo ti amara, mo bungbi e ndo oko+si e kiri singila na iri ti mo so ayeke nzoni-kue,na e sepela mo na ngia na bê.*+ 48  Zia si a sepela Jéhovah, Nzapa ti Israëllakue lakue nga kpu na kpu.*+ Zia si azo kue atene: “Amen!”* Ala sepela Jah!*

Kete tënë

Wala “Alléluia!” “Jah” ayeke nduru iri ti Jéhovah.
Wala “pika kate na ndö ti.”
Wala “ahinga pëpe nda ti.”
Wala “benyama.”
Wala “angbâ.”
Wala “âme ti ala.”
Wala “statue so a tö wen aga ngu si a leke na ni.”
Na Hébreu: “aluti na devant ti lo na ndo so sese asuru dä.”
Wala “ala mû terê ti ala na.”
So ti tene asandaga so a mû na akuâ wala na anzapa so ayeke na fini pëpe.
Ndani aye ti tene “Papa.”
Wala “manda.”
Na Hébreu: “maboko.”
Wala “mingi.”
Wala “ti regretté.”
Wala “e duti na ngia ndali ti so e sepela mo.”
Wala “ngbene ye giriri nga lakue lakue.”
Wala “Zia a duti tongaso!”
Wala “Alléluia!” “Jah” ayeke nduru iri ti Jéhovah.