Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Psaume 105:1-45

LI TI ATËNË NI

  • Aye so Jéhovah asara ti fa so lo yeke be-ta-zo na azo ti lo

    • Nzapa adabe ti lo na mbele ti lo (8-10)

    • “Azo ti mbi so mbi soro ala so, ala ndu ala ape” (15)

    • Nzapa asara aye na lege ti Joseph, na ngoi so lo yeke lani ngbâa (17-22)

    • Aye ti kpene so Nzapa asara na Égypte (23-36)

    • Sigingo ti Israël na Égypte (37-39)

    • Nzapa adabe ti lo na zendo so lo mû na Abraham (42)

105  Azo, ala kiri singila na Jéhovah,+ ala di iri ti lo; ala sara si a hinga akusala ti lo na popo ti azo ti amara.+   Ala he bia na lo, ala he bia* ti sepela lo; ala gbu li na ndö ti* akusala ti lo kue so apika bê ti zo mingi.+   Ala pika kate na ndö ti iri ti lo so ayeke nzoni-kue.+ Zia si bê ti azo so agi Jéhovah aduti na ngia.+   Ala gi Jéhovah,+ ala hunda na lo ti mû na ala ngangu ti lo. Ala gi face ti* lo lakue.   Ala dabe ti ala na akusala ti lo so adö bê, amiracle so lo sara nga na angbanga so lo fâ,+   ala amolenge* ti wakua ti lo Abraham,+ ala amolenge ti Jacob, so lo soro ala.+   Lo yeke Jéhovah Nzapa ti e.+ Angbanga so lo fâ ayeke na ndö ti sese kue.+   Lo dabe ti lo na mbele ti lo lakue lakue,+ zendo so lo mû, so ayeke gue juska asi na ahale so aga na molongo saki oko ni,+   mbele so lo te na Abraham,+ na bä so lo dë na Isaac,+ 10  so lo zia tongana mbeni mbela ndali ti Jacob, nga tongana mbeni mbele so angbâ aninga ndali ti Israël, 11  lo tene: “Mbi yeke mû na mo sese ti Canaan+ ti ga héritage ti mo.”+ 12  A yeke na ngoi so wungo ti ala ayeke gï kete,+ na ngoi so wungo ti ala ayeke kete mingi, nga ala yeke awande na sese ni.+ 13  Ala londo na yâ ti mbeni kodro ala tambela asi na mbeni nde, ala londo na yâ ti mbeni royaume, ala tambela asi na azo ti mbeni kodro nde.+ 14  Lo mû lege pëpe na mbeni zo ti sara pasi na ala,+ me lo suku na agbia ndali ti ala,+ 15  lo tene: “Azo ti mbi so mbi soro ala so, ala ndu ala pëpe, nga aprophète ti mbi so, ala sara sioni na ala pëpe.”+ 16  Lo sara si kota nzara atï na yâ ti kodro ni;+ lo sara si ala wara mapa encore ape.* 17  Lo tokua mbeni koli ti gue kozoni na ala, mbeni koli so a kä lo tongana ngbâa: a yeke Joseph.+ 18  A kanga gere ti lo na chaîne,+ a kanga wen na go ti lo 19  juska na ngoi so tënë so lo tene aga tâ tënë;+ tënë ti Jéhovah la asara si lo ga nzoni. 20  Gbia atokua ndo ti tene a zi lo,+ zo so akomande amara azi lo. 21  Lo sara si lo ga kota zo na ndö ti azo ti da ti lo nga mokonzi na ndö ti aye ti lo kue,+ 22  ti tene lo komande na ndö ti* amokonzi tongana ti so bê ti lo aye* nga ti fa ndara na a-ancien ti kodro ni.+ 23  Na pekoni, Israël ague na Égypte,+ Jacob asara kodro tongana wande na sese ti Cham. 24  Nzapa asara si azo ti lo aga gbani gbani;+ lo sara si ala ga ngangu ahon awato ti ala+ 25  so lo zia si bê ti ala achangé ti ke azo ti lo, ti mä terê ti sara sioni na awakua ti lo.+ 26  Lo tokua wakua ti lo Moïse,+ nga na Aaron,+ so lo soro lo. 27  Moïse na Aaron asara afä ti lo na popo ti ala, ala sara amiracle ti lo na sese ti Cham.+ 28  Lo tokua vukongo ndo, na ndo avuko pitipiti na yâ ti kodro ni;+ ala ke pëpe ti mä yanga ti lo. 29  Lo changé angu ti ala si a ga mênë, na lo fâ asusu ti ala.+ 30  Adale amû yâ ti kodro ni kue,+ même na yâ ti achambre ti yangbo ti gbia. 31  Lo mû yanga na akota ngungu ti tengo zo ti mû ndo, nga lo mû yanga na angungu ti mû yâ ti kodro ni kue.+ 32  Lo sara si ngu-nzapa achangé aga glason; na lo tokua wâ ti bekpa* na yâ ti kodro ni.+ 33  Lo buba akeke ti vigne ti ala nga na akeke ti figue ti ala nga lo fâ yâ ti akeke ti kodro ni. 34  Lo mû yanga na agbadora ti mû ndo, akete gbadora so a lingbi ti diko ala pëpe.+ 35  Ala te akugbe ti keke kue ti kodro ni nga ala te alê ti kobe ti sese ni kue. 36  Na pekoni, lo fâ akozo molenge kue ti kodro ni,+ ala so ayeke tongo nda ti ngangu ti ala ti dungo molenge. 37  Lo sara si azo ti lo asigi na argent na lor;+ nga na popo ti amara ni, zo oko atï pëpe. 38  Azo ti Égypte ayeke na ngia na ngoi so ala hon, ndali ti so mbeto ti Israël* agbu ala.+ 39  Lo gbara mbinda ti sara si a bâ ala pëpe+ nga lo mû wâ ti tene aza na bï.+ 40  Ala hunda nyama ti te, na lo ga na ala adodoro,+ lo sara si ala ngbâ ti te mapa so alondo na yayu alingbi na ala.+ 41  Lo suru yâ ti kota tênë, na ngu asigi dä asua;+ a sua na yâ ti désert tongana kota ngu,+ 42  ndali ti so lo dabe ti lo na zendo ti lo so ayeke nzoni-kue so lo mû lani na wakua ti lo Abraham.+ 43  Tongaso lo sigi na azo ti lo na kota ngia na yanga ti ala;+ lo sigi na azo so lo soro ala, na ala dekongo na ngia. 44  Lo mû na ala akodro ti amara;+ ye so ambeni mara nde asara kua ngangu ndali ni aga héritage ti ala,+ 45  si ala ngbâ ti bata ambela ti lo+ nga na andia ti lo. Ala sepela Jah!*

Kete tënë

Wala “pika mozoko.”
A lingbi nga ti tene “ala sara tënë ti.”
Wala “Ala gi ti ga na gbele.”
Wala “ahale.” Na Hébreu: “ngongoa.”
Na Hébreu: “lo fâ yâ ti aye oko oko kue so a yeke zia mapa dä.” Peut-être a ye ti sara tënë ti aye so a zia mapa dä na nduzu ti bata ni.
Na Hébreu: “ti kanga.”
Wala “tongana ti so anzere na âme ti lo.”
Wala “alê ti wâ so ayeke za.”
Na Hébreu: “ala.”
Wala “Alléluia!” “Jah” ayeke nduru iri ti Jéhovah.