Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Psaume 103:1-22

LI TI ATËNË NI

  • “Zia mbi sepela Jéhovah”

    • Nzapa azia siokpari ti e yongoro na e (12)

    • Nzapa asara nzoni bê tongana ti mbeni babâ (13)

    • Nzapa adabe ti lo so e yeke fuku ti sese (14)

    • Trône ti Jéhovah nga komandema ti lo (19)

    • A-ange ayeke sara ye alingbi na tënë ti yanga ti Nzapa (20)

Psaume ti David. 103  Zia mbi sepela* Jéhovah; zia si ye kue so ayeke na yâ ti mbi asepela iri ti lo so ayeke nzoni-kue.   Zia mbi sepela* Jéhovah; mbi ye lâ oko pëpe ti girisa aye kue so lo sara.+   Lo pardonné afaute ti mo kue,+ lo sava asongo terê ti mo kue;+   lo zi fini ti mo na yâ ti dû*+ nga lo sara si tâ ndoye ti lo nga na nzoni bê ti lo aga tongana couronne na li ti mo.+   Lo mû na mo gbâ ti anzoni ye+ na yâ ti gigi ti mo kue, si mo ngbâ na ngangu ti lâ ti maseka ti mo tongana ti aigle.+   Jéhovah asara ye na lege ni nga lo fâ ngbanga ti mbilimbili+ ndali ti azo kue so azo asara pasi na ala.+   Lo sara si Moïse ahinga alege ti lo,+ nga lo sara si amolenge ti Israël ahinga akusala ti lo.+   Jéhovah asara nzoni bê na zo nga lo bâ mawa ti zo,*+ lo sara ngonzo hio hio pëpe nga lo si singo na tâ ndoye.*+   Lo yeke ngbâ ande lakue pëpe ti gi ti bâ afaute so zo asara,+ nga lo yeke ngbâ lakue ti bata ngonzo na terê ti zo pëpe.+ 10  Lo sara ye na e pëpe alingbi na siokpari so e sara;+ lo sara ye na e pëpe alingbi na afaute so e sara.+ 11  Tongana ti so yayu ayo na nduzu ahon sese, tâ ndoye ti lo ayeke kota mingi na mbage ti azo so akpe mbeto ti lo.+ 12  Tongana ti so ndo so lâ asigi dä ayo mingi na ndo so lâ alinda dä, lo zi akengo ndia ti e, lo zia ni yongoro na e.+ 13  Tongana ti so mbeni babâ asara nzoni bê na amolenge ti lo, Jéhovah asara nzoni bê na azo so akpe mbeto ti lo,+ 14  ndali ti so lo hinga nzoni mingi lege so a leke na e,+ lo dabe ti lo so e yeke fuku ti sese.+ 15  Ti senge zo, alango ti fini ti lo ayeke tongana ti pere;+ lo yeke tongana fleur so ayeke sigi na yâ ti benyama.+ 16  Me tongana pupu aya, a yeke dä encore ape, mo bâ mo tene a yeke na ndo ni so lâ oko pëpe.* 17  Me tâ ndoye ti Jéhovah ayeke ngbâ kpu na kpu* na mbage ti azo so akpe mbeto ti lo,+ nga mbilimbili ti lo ayeke ngbâ lakue lakue na mbage ti amolenge ti amolenge ti ala,+ 18  na mbage ti azo so abata mbele ti lo+ nga na ala so asara kue ti sara ye alingbi na yanga so lo mû. 19  Jéhovah alu gere ti trône ti lo nzoni na yayu;+ lo komande tongana gbia na ndö ti aye kue.+ 20  Ala sepela Jéhovah, ala a-ange+ ti lo kue so ayeke na ngangu mingi, so ayeke sara ye alingbi na tënë ti lo+ nga ayeke mä yanga ti lo.* 21  Ala sepela Jéhovah, ala aturugu ti lo kue,+ ala awakua ti lo so asara ye so bê ti lo aye.+ 22  Ala akusala kue ti Jéhovah, ala sepela lo na ando kue so lo komande dä. Zia si terê ti mbi kue* asepela Jéhovah.

Kete tënë

Wala “âme ti mbi asepela.”
Wala “âme ti mbi asepela.”
Wala “dû ti kuâ.”
Wala “lo si na grâce.”
Wala “na nzobe so angbâ lakue.”
Na Hébreu: “nga ndo ti lo ahinga lo encore ape.”
Wala “ngbene ye giriri nga lakue lakue.”
Na Hébreu: “amä go (totongo) ti tënë ti lo.”
Wala “âme ti mbi.”