Gue na tënë ti yâ ni

Gue na li ti atënë ni

Psaume 102:1-28

LI TI ATËNË NI

  • Sambela ti zo so a sara pasi na lo

    • “Mbi yeke tongana ndeke so aduti gï lo oko” (7)

    • “Alango ti mbi ayeke tongana gbe ti dê so ayeke hon” (11)

    • “Jéhovah ayeke kiri ti leke Sion” (16)

    • Jéhovah ayeke ngbâ ti lo lakue (26, 27)

Sambela ti zo so azo asara pasi na lo, na ngoi so vundu ahon ndö ti lo* si lo yeke fa agingo bê ti lo na Jéhovah.+ 102  Jéhovah, mä sambela ti mbi;+zia si mo mä toto so mbi yeke toto na mo ti mû maboko na mbi.+   Honde lê ti mo na mbi pëpe na ngoi so mbi yeke na yâ ti vundu.+ Dengi mê ti mo, mo mä* mbi;na ngoi so mbi iri mo, kiri tënë na mbi hio,+   ndali ti so alango ti mbi ayeke gue ti hunzi tongana guru,nga abio ti mbi avuko tongana yâ ti four.+   Bê ti mbi awoko si aga tongana pere so ahule,+ndali ti so mbi girisa ti te kobe.   So mbi yeke dema ngangu mingi,+nyama ti terê ti mbi acollé na terê ti bio ti mbi.+   Mbi ga tongana pélican so ayeke na yâ ti benyama;mbi yeke tongana kete hibou na popo ti afango da.   Lango akpe na lê ti mbi,*mbi yeke tongana ndeke so aduti gï lo oko na li ti mbeni da.+   Na yâ ti lango ni kue, awato ti mbi ayeke gi yanga ti mbi.+ Azo so ayeke he mbi* amû iri ti mbi ti deba na azo.  9   Mbi te mburu ti wâ tongana mapa,+nga ngu ti lê ti mbi amélangé na ye ti nyongo ti mbi.+ 10  A yeke ndali ti so mo sara ngonzo na terê ti mbi nga bê ti mo ason na terê ti mbi;ni la mo yô mbi na nduzu gï ti bi mbi yongoro. 11  Alango ti mbi ayeke tongana gbe ti dê so ayeke hon,*+nga mbi yeke hule tongana pere.+ 12  Me Jéhovah, mo yeke ngbâ ti mo lakue,+nga iri ti mo* ayeke ngbâ ti wu na yâ ti angoi nde nde so ayeke ga.+ 13  Mo yeke londo ande biani ti sara nzoni bê na Sion,+ndali ti so a yeke ngoi ti tene mo sara nzoni bê na lo la;+ngoi so mo diko alingbi awe.+ 14  Atênë ti Sion anzere na awakua ti mo mingi,+même fuku ti sese ti gbata ni, ala ye ni mingi.+ 15  Amara ayeke kpe mbeto ti iri ti Jéhovah,nga agbia ti sese kue ayeke kpe mbeto ti gloire ti mo.+ 16  Jéhovah ayeke kiri ti leke Sion;+lo yeke fa terê ti lo na yâ ti gloire.+ 17  Lo yeke dengi mê ti mä sambela ti azo so ayeke na ye oko pëpe;+lo yeke ke sambela ti ala pëpe.+ 18  A sû tënë so ndali ti azo so a yeke dü ala ande,+si azo so ayeke bâ gigi* ande asepela Jah. 19  Kâ na ndo ti lo so ayeke nzoni-kue, Jéhovah abâ ndo na gbe ni,+lo ngbâ kâ na yayu lo bâ sese, 20  ti mä dema ti zo ti kanga,+ti zi azo so a fâ ngbanga ti kuâ na li ti ala,+ 21  si a fa iri ti Jéhovah na yâ ti Sion+nga a sepela lo na yâ ti Jérusalem, 22  na ngoi so amara nga na aroyaumeabungbi oko ti sara kua na Jéhovah.+ 23  Lo sara si ngangu ti mbi ahunzi kozo na ngoi ni;lo fâ yâ ti alango ti fini ti mbi. 24  Mbi tene: “Aï Nzapa ti mbi,fâ mbi pëpe na ngoi so mbi yeke na yâ ti ndambo ti lango ti fini ti mbi,mo so ngbene ye lakue lakue mo yeke gï dä.+ 25  Mo zia gere ti sese depuis giriri,nga yayu ayeke kusala ti maboko ti mo.+ 26  Ala yeke futi ande, me mo, mo yeke ngbâ;ala yeke ga gbagbara ni tongana mbeni bongo. Mo yeke changé ala tongana bongo, na ala yeke hon. 27  Me mo, gï mo la awe; alango ti mo ayeke hunzi lâ oko pëpe.+ 28  Amolenge ti awakua ti mo ayeke duti nzoni;ahale ti ala ayeke ngbâ lakue na gbele mo.”+

Kete tënë

Wala “lo woko.”
Wala “Kuku na mo mä.”
A lingbi nga ti tene “Mbi nge sioni.”
Wala “asara si a bâ mbi tongana buba zo.”
Wala “gbe ti dê so yâ ni ayeke gboto.”
Na Hébreu: “ye so adabe ti azo na mo.”
Na Hébreu: “a yeke créé ala.”