Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Psaume 101:1-8

LI TI ATËNË NI

  • Mbeni mokonzi so asara ye mbilimbili

    • Mbi yeke kanga bê pëpe na zo so ayeke bâ ndo na baba’ (5)

    • ‘Mbi yeke bi lê ti mbi na ndö ti abe-ta-zo’ (6)

Psaume ti David. Bia. 101  Mbi yeke he bia na ndö ti tâ ndoye nga na fango ngbanga ti mbilimbili. Jéhovah, mbi yeke he bia ti sepela* mo.   Mbi yeke sara ye na hange nga tongana zo so tënë ayeke na li ti lo pëpe.* Lawa la mo yeke ga na mbage ti mbi? Na yâ ti da ti mbi, mbi yeke sara ye lakue mbilimbili.+   Mbi yeke zia pëpe na gbele mbi mbeni ye so ayeke senge senge.* Mbi ke akusala ti azo so azia lege ti ye so ayeke mbilimbili;+ ye oko ayeke bungbi mbi na ala pëpe.*   Mbi ke bê so ayeke kirikiri si angbâ yongoro na mbi; mbi yeke yeda na* ye ti sioni pëpe.   Zo kue so apa mba ti lo na hondengo ni,+ mbi yeke kanga yanga ti lo.* Zo kue so ayeke bâ ndo na baba nga lo yeke na bê ti fandara, mbi peut ti kanga bê ti mbi na lo pëpe.   Mbi yeke bi lê ti mbi na ndö ti azo ti sese so ayeke be-ta-zo, si ala sara kodro ndo oko na mbi. Zo so tënë ayeke na li ti lo pëpe* la ayeke sara kua na mbi.   Zo so ayeke sara ye na handa ayeke lango na yâ ti da ti mbi pëpe, nga zo ti mvene ayeke luti na lê ti mbi* pëpe.   Lakue na ndapre, mbi yeke kanga yanga ti* azo ti sioni kue so ayeke na ndö ti sese, tongaso si mbi zi na yâ ti gbata ti Jéhovah azo kue so ayeke sara ye ti sioni.+

Kete tënë

Wala “pika mozoko na.”
Wala “zo so ayeke sara ye lakue mbilimbili.”
Wala “mbeni ye so apeut ti sara nzoni na zo pëpe.”
Wala “asarango ye ti ala agbu mbi pëpe.”
Na Hébreu: “hinga.”
Wala “zi lo.”
Wala “so ayeke sara ye lakue mbilimbili.”
Na Hébreu: “na devant ti lê ti mbi.”
Wala “zi.”