Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Psaume 10:1-18

LI TI ATËNË NI

  • Jéhovah ayeke mû maboko na zo so zo ti mungo maboko na lo ayeke dä ape

    • Na fandara, zo ti sioni atene: “Nzapa ayeke dä ape” (4)

    • Zo so zo ti mungo maboko na lo ayeke dä ape abâ ndo na mbage ti Jéhovah (14)

    • “Jéhovah ayeke Gbia lakue lakue” (16)

ל [Lamed] 10  Jéhovah, ndani nyen si mo luti yongoro kâ so? Ndani nyen si mo honde terê ti mo na angoi ti vundu so?+   Na baba, zo ti sioni atomba peko ti zo so zo ti mungo maboko na lo ayeke dä pëpe,+ me aye ti mayele so lo leke ayeke gbu gï lo wani.+   Zo ti sioni apika kate ti lo ndali ti asioni nzara ti bê ti lo*+ nga lo iri tënë nzoni na ndö ti zo so ayeke na bê ti ye;*נ [Noun] lo kpe Jéhovah pëpe.   Na yâ ti fandara ti zo ti sioni, lo gi ti hinga nda ti ye pëpe; bibe ti lo ayeke gï so: “Nzapa ayeke dä pëpe.”+   Aye so lo sara ayeke maï ti gue na ni,+ me angbanga so mo fâ ahon gbungo li ti lo;+ lo he awato ti lo kue hengo.*   Lo tene na bê ti lo: “Ye ayeke yengi mbi lâ oko pëpe;* na yâ ti angoi nde nde kue so ayeke ga, mbeni ye ti vundu ayeke si na mbi lâ oko pëpe.”+ פ []   Yanga ti lo asi singo na asioni deba, mvene nga na atënë ti ziango mbeto na bê ti zo;+ atënë ti yanga ti lo aga na kpale na zo nga asara sioni na zo.+   Lo honde terê ti lo nduru na akete kodro ti ku ti sara sioni na zo; lo sigi na ndo so lo honde terê ti lo dä, lo fâ zo so tënë ayeke na li ti lo pëpe.+ ע [Aïn] Lê ti lo ayeke gi mbeni zo so lo lingbi ti sara sioni na lo.+   Lo ngbâ ti honde terê ti lo tongana bamara so ahonde terê ti lo na yâ ti pere.*+ Lo yeke ku ti gbu zo so zo ti mungo maboko na lo ayeke dä pëpe. Na ngoi so zo ni ague na yâ ti gbanda ti lo, lo gbu lo.+ 10  Zo so lo gbu lo, lo pete yâ ti lo ngangu, lo kinda lo; azo so ahinga pëpe ayeke tï na yâ ti maboko ti lo.* 11  Lo tene na bê ti lo: “Li ti Nzapa agirisa dä awe.+ Lo bâ ndo na mbeni ndo nde. Lo yeke bâ ni lâ oko pëpe.”+ ק [Qoph] 12  Jéhovah, mo londo!+ Nzapa, yôro maboko ti mo.+ Mo girisa pëpe azo so zo ti mungo maboko na ala ayeke dä pëpe.+ 13  Ngbanga ti nyen zo ti sioni ane Nzapa ape? Lo tene na bê ti lo: “Mo yeke iri ande mbi ti kiri tënë na mo pëpe.” ר [Resh] 14  Me ti tâ tënë ni, mo bâ akpale nga na aye ti vundu so. Mo bi lê na ndö ni na mo bâ lege ni.+ Zo so a sara ye ti sioni na lo abâ ndo na mbage ti mo,+ mo yeke zo ti mungo maboko na molenge so babâ ti lo ayeke dä pëpe.*+ ש [Shin] 15  Kungbi yâ ti maboko ti zo ti sioni,+ si na ngoi so mo yeke gi sioni so lo sara, mo yeke wara ni encore ape. 16  Jéhovah ayeke Gbia lakue lakue.+ Amara ayeke na ndö ti sese encore ape.+ ת [Taw] 17  Me mo, Jéhovah, mo yeke mä azo so abâ terê ti ala kete tongana ala hunda ye na mo.+ Mo yeke sara si bê ti ala awara ngangu+ nga mo yeke bi bê ti mo mingi na ala.+ 18  Azo so babâ ti ala ayeke dä pëpe nga azo so a sara ye ti ngangu na ala, mo yeke fâ ngbanga ti ala na lege ni,+ si senge zo ti sese azia mbeto na bê ti ala encore ape.+

Kete tënë

Wala “ye so âme ti lo asara nzara ni.”
A lingbi nga ti tene “zo so ayeke na bê ti ye airi tënë nzoni na ndö ti lo wani.”
Wala “zere awato ti lo kue zerengo.”
Wala “Mbi yeke tambela lâ oko pëpe tongana zo so asoulé.”
Wala “akete keke so adü gbani.”
Wala “ayongoro nzene ti lo.”
Wala “nyindu.”