Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Nombre 24:1-25

LI TI ATËNË NI

  • Ota mato ti Balaam (1-11)

  • Osio mato ti Balaam (12-25)

24  Na ngoi so Balaam abâ so a nzere na* Jéhovah ti sara tufa na ndö ti Israël, lo kiri lo gue ti bâ mbadi pëpe,+ me lo tourné lê ti lo na mbage ti benyama.  Tongana Balaam ayô lê ti lo na lo bâ azo ti Israël so asara camp ti ala mara na mara,+ yingo ti Nzapa aga na ndö ti lo.+  Balaam atene mato so:+ “Tënë ti Balaam, molenge ti Béor,tënë ti yanga ti koli so lê ti lo azi awe,   tënë ti yanga ti lo so ayeke mä tënë so Nzapa atene,lo so abâ na yâ ti vision Lo so ngangu ti lo ahon angangu kue,lo so akuku si lê ti lo angbâ na zingo ni:+   Mo Jacob, atente ti mo ayeke pendere mingi, Mo Israël, atabernacle ti mo ayeke pendere mingi!+   Atabernacle ti mo amû ndo tongana apopo-hoto,*+tongana ayaka so ayeke na terê ti kota ngu. Tongana a-aloès so Jéhovah la si alu ni,tongana akeke ti cèdre so ayeke na terê ti angu.   Ngu so ayeke na yâ ti aseau ti lo use so a sara na poro ti nyama angbâ ti yuru,a lu ngongoa* ti lo na terê ti angu mingi.+ Gbia ti lo+ nga ayeke kota mingi ahon Agag,+a yeke sara ande si royaume ti lo aga kota.+   Nzapa asigi na Israël na Égypte. Lo yeke tongana adidi ti ngbä ndali ti ala. Lo yeke te ande nyama ti terê ti amara, ala so asara ye ti ngangu na lo,+na lo yeke te yâ ti bio ti ala, lo yeke futi ala ande na alê ti kokora ti lo.   Lo kuku, lo lango na sese tongana bamara,so lo yeke tongana bamara so, zo wa la akpa ti mû lo na nduzu? Azo so airi tufa na ndö ti mo, a iri tufa na ndö ti ala,na azo so adeba mo, a deba ala nga.”+ 10  Tongaso, Balak asara ngonzo na terê ti Balaam. Na pekoni, Balak apika maboko ti lo si lo tene na Balaam: “Mbi iri mo ti ga ti deba awato ti mbi,+ me bâ, mo sara ye oko pëpe me mo iri tufa na ndö ti ala lege ota. 11  Awe, mo kiri hio na ndo ti mo. Mbi ye fade ti mû gonda na mo mingi,+ me bâ, Jéhovah agbanzi mo ti wara gonda.” 12  Balaam atene na Balak: “Mbi tene lani na azo so mo tokua ala na mbi, mbi tene: 13  “‘Même tongana Balak amû na mbi da ti lo so argent na lor asi yâ ni, mbi lingbi ti hon nde na yanga so Jéhovah amû na mbi so pëpe, ti sara mbeni ye ti li ti mbi* atâa a yeke nzoni wala sioni. Gï tënë so Jéhovah ayeke tene na mbi la mbi yeke tene.’+ 14  Bâ, mbi yeke kiri na azo ti kodro ti mbi la. Ga mbi fa na mo ye so azo so ayeke sara ande* na azo ti kodro ti mo.” 15  Tongaso, Balaam atene mato so:+ “Tënë ti Balaam, molenge ti Béor,tënë ti yanga ti koli so lê ti lo azi awe,+ 16  tënë ti yanga ti lo so ayeke mä tënë so Nzapa atene,lo so ahinga ndara ti Lo so ayeke na nduzu na ndö ti aye kue,lo so abâ na vision Lo so ngangu ti lo ahon angangu kuena ngoi so lo kuku na lê ti lo angbâ na zingo ni: 17  Mbi yeke bâ lo ande, me fadeso pëpe;mbi yeke bâ lo, me hio pëpe. Mbeni tongoro+ ayeke sigi ande na yâ ti Jacob,na mbeni keke ti komandema+ ayeke londo ande na Israël.+ Lo yeke kungbi ande bio ti ndö ti lê ti Moab,*+na lo yeke kungbi ande yâ ti bio ti li ti amolenge so aye wusuwusu. 18  Édom ayeke ga ande ye ti Israël,+tâ tënë Séir+ aga ti awato ti lo,+na ndembe ni so, Israël ayeke sara ye na mbeto pëpe. 19  Mbeni zo ayeke sigi ande na yâ ti Jacob, lo yeke sö gï benda ti gue na ni,+lo yeke futi ande tanga ti azo ti gbata ni so asö kuâ so.” 20  Tongana Balaam abâ Amalec, lo kiri lo tene mato so: “Amalec ayeke lani kozo na popo ti amara,+me na nda ni, a yeke futi lo.”+ 21  Tongana Balaam abâ azo ti mara ti Kéni,+ lo tene mato so: “Ndo ti lango ti mo ayeke ninga, mo yeke lango gï na ndö ti akota tênë. 22  Me mbeni zo ayeke ga ande ti gbi azo ti mara ti Kéni. A yeke sara ngoi oke kozoni si Assyrie ague na mo na ngbâa?” 23  Balaam akiri atene mato so: “So mawa! Zo wa la ayeke sö kuâ ande tongana Nzapa asara ye so? 24  Abateau ayeke londo ande na Kittim+ ti ga,ala yeke sara ande ye ti ngangu na Assyrie,+na ala yeke sara ande ye ti ngangu na Éber. Me lo nga kue, a yeke futi lo ande biani biani.” 25  Na pekoni, Balaam+ alondo akiri na ndo ti lo. Balak nga kue amû lege ahon.

Kete tënë

Na Hébreu: “a yeke nzoni na lê ti.”
Wala “ahale.”
Na Hébreu: “so alondo na bê ti mbi.”
Wala “na lâ ti nda ni.”
Wala “aterê ti li ti Moab.”