Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Nahum 3:1-19

LI TI ATËNË NI

  • “Mawa na gbata ti tukungo mênë!” (1-19)

    • Ndani so a fâ ngbanga na ndö ti Ninive (1-7)

    • Ninive ayeke tï tongana No-Amon (8-12)

    • Nyen na nyen, Ninive ayeke tï (13-19)

3  Mawa na gbata ti tukungo mênë! Tënë ti handango zo na tënë ti nzi asi singo na yâ ni. Gbata so aye so lo gbu na ngangu ayeke lakue dä!   A mä go ti zaza nga na go ti totongo ti aroue, mbarata la ayeke hon so, nga puse ti mbarata la ayeke kpe loro so.   A bâ zo so ayeke na ndö ti mbarata, lê ti épée so aza tongana wâ nga na likongo so aza zango; gbâ ti azo so a fâ ala, akuâ na ndö ti terê, a lingbi ti diko wungo ti akuâ ni pëpe. Azo ayeke pika gere ti ala na akuâ ni.   Ye so asi ngbanga ti so sarango ndumba ti wali-ndumba so ahon ndö ni, lo yeke pendere mingi na lo sara ye na baba, lo yeke kota wali ti sarango yorö, lo la lo handa amara na lege ti ndumba ti lo so, lo handa nga asewa na lege ti asarango yorö ti lo.   Jéhovah ti aturugu atene: “Bâ, mbi yeke ga na terê ti mo,*+ mbi yeke yô yanga ti yongoro bongo ti mo na nduzu juska na lê ti mo. Mbi yeke sara si amara abâ terê ti mo senge, na aroyaume abâ kamene so agbu lê ti mo.   Mbi yeke tuku ande saleté na li ti mo, mbi yeke sara si mo ga ye so azo ake ni na bê oko; mbi yeke sara si mo ga mbeni ye so azo abâ ni, li ti ala akpe kue.+   Zo kue so abâ mo ayeke kpe yongoro na mo,+ na lo yeke tene: ‘A futi Ninive awe! Zo wa la ayeke bâ ande mawa ti lo zo wa?’ Mbi yeke wara azo na ndo wa ti dë bê ti mo?   Eskê mo Ninive mo yeke nzoni mingi ahon No-Amon,*+ so ayeke na terê ti acanal ti Nil?+ Angu angoro lo kue; ngu-ingo la ayeke mosoro ti lo nga ngu-ingo ni la ayeke gbagba ti lo.   Éthiopie nga na Égypte la ayeke mû ândö ngangu na lo, ngangu so ayeke hunzi pëpe. Azo ti kodro ti Put+ na ti Libye ayeke lani azo ti mungo maboko na lo.*+ 10  Me lo nga kue a gbu lo ti gue na lo na mbeni ndo nde; a gue na lo lani na ngbâa.+ Amolenge ti lo nga, a fâ yâ ti ala kete kete na coin ti alege nde nde kue.* A bi mbeni ye so a mû lege na ala ti kangbi popo ti azo ti lo so a ne ala mingi, a mû akota zo ti kodro ni kue a kanga ala na chaîne. 11  Mo nga kue mo yeke ga ande zo so anyon sämba asoulé;+ mo yeke gue ti honde terê ti mo. Mo yeke gi ndo ti bata terê ti mo dä ngbanga ti awato ti mo. 12  Angangu gbagba ti mo kue ayeke tongana akeke ti figue so akozo lengo ni abe awe; tongana a yengi akeke ni, alengo ni ayeke tï ande na yanga ti azo ti tengo ni. 13  Bâ, aturugu ti mo ayeke tongana awali so ayeke na yâ ti gbata ti mo. Ayanga ti gbagba ti kodro ti mo ayeke zi ande kota na awato ti mo. Wâ ayeke gbi ande abarre ti ayanga ti gbagba ti mo. 14  Mo tö ngu, mo leke terê ti mo ti ku azo so aga ti sara camp na terê ti mo!+ Mo kiri mo leke angangu gbagba ti mo ti tene akpengba ngangu. Descend na yâ ti dû na mo dö yâ ti popoto ti gbotongo na brique, mo mû ye ti gbotongo na brique. 15  Même kâ, wâ ayeke gbi mo ande. Épée ayeke fâ mo ande.+ A yeke te mo kue tongana ti so akete kete gbadora ayeke te na ye.+ Sara si azo ti mo aga gbani gbani tongana akete kete gbadora. Sara si azo ti mo aga gbani gbani tongana agbadora. 16  Mo sara si awadengo buze ti mo aga mingi ahon atongoro ti nduzu. Kete gbadora ni azi poro ti terê ti lo na lo huru lo hon. 17  Agarde ti mo ayeke tongana agbadora, Aturugu ti mo ti kota kamba ayeke tongana gbâ ti agbadora. Ala sara camp ti ala na yâ ti agbagba ti tênë na ngoi ti dê, me tongana lâ asu, ala huru ala hon, zo oko ahinga ndo so ala yeke dä pëpe. 18  Mo gbia ti Assyrie, aberger ti mo ayeke lango langongo, akota zo ti kodro ti mo angbâ na yanga-da ti ala. Azo ti mo akangbi kirikiri na ndö ti ahoto, na zo ti bungbi ala ndo oko ayeke dä pëpe.+ 19  Mbeni yorö ndali ti ye ti ngangu so asi na mo so ayeke dä pëpe. Kä ti mo ni ayeke mü ande pëpe. Azo kue so amä tënë ti ye so asi na mo ayeke pika ande maboko ti ala.+ Zo wa la abâ pasi pëpe ndali ti aye ti sioni so mo yeke sara ni lakue lakue so?”+

Kete tënë

So ti tene Ninive.
So ti tene Thèbes.
Na Hébreu: “na mo.”
Na Hébreu: “na li ti alege kue.”