Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Nahum 1:1-15

LI TI ATËNË NI

  • Ngonzo ti Nzapa na terê ti awato ti lo (1-7)

    • Nzapa ahunda ti tene a voro gï lo oko (2)

    • Jéhovah apensé na azo so akpe na mbage ti lo ti bata terê ti ala (7)

  • A yeke futi Ninive biaku biaku (8-14)

    • Ye ti vundu ayeke kiri ti londo ti fani use ape (9)

  • Mbeni nzoni tënë ndali ti Juda (15)

1  Tënë ti ngbanga so a dë na ndö ti Ninive:+ Mbeti ti vision so Nahum* zo ti kodro ti Elcosh abâ:   Jéhovah ayeke Nzapa so lo hunda ti tene zo avoro gï lo oko awe,+ nga lo yeke kiri na awato ti lo peko ti aye so ala sara. Jéhovah ayeke kiri na awato ti lo peko ti aye so ala sara, na lo yeke nduru ti tuku ngonzo ti lo na ndö ti ala.+ Jéhovah ayeke kiri na awato ti lo peko ti aye so ala sara, na lo bata kota ngonzo ti lo ndali ti ala.   Jéhovah ayeke sara ngonzo hio hio pëpe+ nga lo yeke ngangu mingi,+ me lo yeke gbanzi terê ti lo pëpe ti punir zo alingbi na ye so zo ni asara.+ Lege so lo yeke hon dä ayeke na yâ ti kota pupu so ayeke futi ye nga na yâ ti kota pupu ti ngu, na ambinda la ayeke poussière ti gere ti lo so alondo.+   Lo suku na ngu-ingo+ na lo sara si ngu-ingo ni ahule; lo sara si akota ngu kue ahule.+ Aye ti Basan na ti Carmel ahule,+ afleur so ayeke na ndö ti Hoto ti Liban ahule nga.   Ahoto ayengi ndali ti lo na akete hoto aga tongana ngu.+ Sese ayeke dö ngangu na gbele lo, nga akodro na azo kue so ayeke na yâ ni adö ngangu.+   Zo wa la alingbi ti luti na lê ti ngonzo ti lo zo wa?+ Nga zo wa la alingbi ti gbu lê ni na devant ti kota ngonzo ti lo so alondo tongana wâ?+ Kota ngonzo ti lo ayeke gbi ande tongana wâ, yâ ti akota tênë ayeke suru ande ndali ti lo.   Jéhovah ayeke nzoni,+ lo yeke ngangu gbagba so ayeke bata zo na ngoi ti ye ti ngangu.+ Lo bi bê ti lo na* azo so akpe na mbage ti lo ti bata terê ti ala.+   Na lege ti kota ngu so asua amû ndo, lo yeke futi Ninive* biani biani, kota vukongo ndo ayeke tomba ande peko ti awato ti lo.   Ala kpa ti mä terê na hondengo ni ti sara mbeni ye na terê ti Jéhovah? Lo yeke futi ala ande biani biani. Ye ti vundu ayeke kiri ti londo ti fani use ni pëpe.+ 10  Azo ti Ninive ayeke tongana asisi so alï yâ ti terê kirikiri, ala yeke tongana azo so anyon sämba* asoulé; me ala yeke gbi kue tongana hulengo pere so wâ ayeke gbi ni. 11  Mbeni zo ayeke bâ gigi na yâ ti kodro ti mo, mbeni zo so aleke na bê ti lo ti sara ye ti sioni na terê ti Jéhovah, lo yeke mû mbeni wango so ayeke senge senge. 12  Jéhovah atene: “Atâa so azo ti Assyrie ayeke* na ngangu mingi nga ala yeke gbani gbani, a yeke dë ala ande na sese na ala yeke hon ande hongo.* Mbi sara lani pasi na mo,* me mbi yeke sara pasi na mo encore ape. 13  Ti fadeso, mbi yeke fâ ande joug ti Assyrie* so mo yô na ndö ti go ti mo so,+ na mbi yeke fâ yâ ti akamba so a kanga na mo so. 14  Jéhovah amû yanga so na ndö ti mo,* lo tene: ‘Iri ti mo ayeke wu encore ape. Mbi yeke futi ayanda so a leke ni nga na astatue ti wen* so ayeke na yâ ti da* ti anzapa ti mo. Mbi yeke leke ande dû ti kuâ ndali ti mo ngbanga ti so mo yeke tâ sioni mingi na lê ti mbi.’ 15  Ala bâ na ndö ti ahoto gere ti zo so ayeke tambela ti ga na nzoni tënë so ma! Lo yeke fa tënë ti siriri.+ Azo ti Juda, ala sara amatanga ti ala,+ ala sara ye alingbi na zendo so ala mû, ndali ti so mbumbuse zo ayeke kiri ande ti hon lâ oko pëpe na yâ ti Juda. A yeke futi lo ande biani biani.”

Kete tënë

Ndani aye ti tene “Zo ti dengo bê ti zo.”
Wala “Lo bata.” Na Hébreu: “Lo hinga.”
So ti tene “Ndo ti lo.”
Wala “bière ti blé.”
Na Hébreu: “ala yeke.”
A lingbi nga ti tene “lo yeke hon ande na yâ ti kodro ni.”
So ti tene mara ti Juda.
Na Hébreu: “Lo.”
So ti tene Assyrie.
Wala “astatue so a tö wen aga ngu si a leke na ni.”
Wala “temple.”