Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Matthieu 3:1-17

LI TI ATËNË NI

  • Jean Baptiste ayeke fa tënë (1-12)

  • Batême ti Jésus (13-17)

3  Na ngoi ni kâ, Jean+ Baptiste aga, lo yeke fa tënë+ na yâ ti benyama ti Judée.  Lo tene: “Ala changé bê ti ala, ngbanga ti so Royaume ti yayu aga nduru awe.”+  Lo la a sara tënë ti lo na lege ti prophète Ésaïe,+ a tene: “Go ti mbeni zo ayeke dekongo na yâ ti benyama, atene: ‘Ala leke lege ti Jéhovah!* Ala sara si alege ti lo aduti droit.’”+  Lo Jean ni, lo yü bongo so a sara ni na kuä ti terê ti chameau, na lo kanga na yâ ti lo mbeni ceinture so a leke ni na poro ti nyama.+ Kobe ti tengo ti lo ayeke agbadora nga na mafuta ti otoro ti ngonda.+  Azo ti Jérusalem, azo ti sese ti Judée kue nga na ti akodro kue so ayeke na terê ti Ngu ti Jourdain ayeke ga na mbage ti lo,+  na lo batize* ala na yâ ti Ngu ti Jourdain.+ Ala yeke fa asiokpari ti ala na gigi.  Tongana lê ti lo atï na ndö ti gbâ ti aFarizien na aSadducéen+ so ayeke ga na batême ni, lo tene na ala: “Ala, amolenge ti asioni ngbo,+ zo wa la afa na ala lege ti kpe kota ngonzo so ayeke ga so?+  Tongaso, zia ala lë alengo so alingbi biani na changengo bê.  Zia ala tene na bê ti ala pëpe: ‘Babâ ti e ayeke Abraham,’+ ndali ti so mbi tene na ala so Nzapa alingbi ti mû atênë so ti sara si aga amolenge ti Abraham. 10  Dö ayeke na gunda ti akeke awe. Tongaso, keke oko oko kue so alë nzoni lengo pëpe, a yeke dë ni ande na sese na a bi ni na wâ.+ 11  Ti mbi, mbi batize ala na ngu ngbanga ti so ala changé bê+ ti ala. Me lo so ayeke ga na peko ti mbi ayeke ngangu ahon mbi, lo so mbi kpa pëpe ti zi poro na gere ti lo.+ Lo la lo yeke batize ande ala na yingo vulu+ nga na wâ.+ 12  Ye ti lo ti pengo na alê ti kobe ayeke na maboko ti lo. Lo yeke sara ande si ndo ti pikango lê ti kobe ti lo avuru kue. Lo yeke bungbi blé ti lo na yâ ti gogoro, me poro ti peko ni, lo yeke gbi ni na wâ+ so a lingbi ti mingo ni pëpe.” 13  Na pekoni, Jésus alondo na Galilée, lo ga na Jean na Ngu ti Jourdain ti tene Jean abatize lo.+ 14  Me Jean atara ti kanga lege na lo, lo tene: “Mo la mo doit fade ti batize mbi, me mo kiri mo ga na mbage ti mbi?” 15  Me Jésus atene na lo: “Ti so ni so, zia a duti tongaso, teti a yeke na lege so si a lingbi e sara ye kue so ayeke mbilimbili.” Tongaso, Jean azia ti kanga lege na lo. 16  Tongana a batize Jésus awe, hio lo sigi na gbe ti ngu ni. Bâ, yayu azi,+ na lo* bâ yingo ti Nzapa so ayeke descend na ndö ti lo tongana mbeni kolokoto.+ 17  Nga, mbeni go asara tënë na yayu,+ atene: “So ayeke Molenge ti mbi,+ lo so mbi ndoye lo mingi, lo so bê ti mbi anzere na lo mingi.”+

Kete tënë

Bâ na A5.
Wala “lo ndûru; lo yôro.”
So ti tene Jean.