Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Jonas 2:1-10

LI TI ATËNË NI

  • Sambela ti Jonas na yâ ti susu ni (1-9)

  • Susu ni adë Jonas na ndö ti sese (10)

2  Na yâ ti kota susu ni, Jonas asambela Jéhovah Nzapa ti lo,+  lo tene: “Na yâ ti vundu ti mbi, mbi dekongo na Jéhovah na lo kiri tënë na mbi.+ Kâ na yâ ti Dû ti kuâ,* mbi dekongo ti tene mo mû maboko na mbi.+ Na mo mä go ti mbi.   Na ngoi so mo bi mbi na yâ ti ando so alï, kâ na gbe ti kota ngu-ingo, angu ni so ayeke sua na ngangu so amene mbi kue.+ Angangu mapo ni ahon ndö ti mbi kue.+   Mbi tene: ‘Mo tomba mbi yongoro na lê ti mo awe! Mbi lingbi ande ti kiri ti bâ temple ti mo so ayeke nzoni-kue so tongana nyen?’   Ngu amene mbi kue na azia fini ti mbi na yâ ti kpale,*+ ngu so alï mingi akanga na ndö ti mbi. Apere ti gbe ti ngu agbu terê ti li ti mbi kue.   Mbi linda juska mbi si na gbe ti ahoto kâ. Âdu ti sese, ayanga ti gbagba ni aga yeke yeke ti kanga na ndö ti mbi biani biani. Me, mo Jéhovah Nzapa ti mbi, mo mû fini ti mbi na yâ ti dû ni kâ, mo sigi na ni na gigi.+   Na ngoi so fini* ti mbi ayeke gue ti hunzi, Jéhovah la ayeke zo so mbi dabe ti mbi na lo.+ Sambela ti mbi ague asi na mo kâ na yâ ti temple ti mo so ayeke nzoni-kue.+   Ala so amû bê ti ala kue na asenge senge yanda so, ala girisa lo so ayeke fa tâ ndoye na mbage ti ala.   Me ti mbi, na lege ti atënë ti singila mbi yeke mû ande sandaga na mo. Ye so mbi mû yanga awe ti sara, mbi yeke sara ni.+ Salut alondo na Jéhovah.”+ 10  Na ndani Jéhovah amû yanga na susu ni, si susu ni adë Jonas na ndö ti kuru sese.

Kete tënë

Wala “Shéol,” so ti tene dû ti kuâ so azo kue ayeke gue dä. Bâ na kete bakari.
Wala “Ngu asuku amene mbi juska na âme ti mbi.”
Wala “âme.”