Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Jonas 1:1-17

LI TI ATËNË NI

  • Jonas atara ti kpe yongoro na Jéhovah (1-3)

  • Jéhovah asara si kota pupu aya (4-6)

  • Kpale asi ndali ti Jonas (7-13)

  • A bi Jonas na yâ ti ngu-ingo so ayengi ngangu (14-16)

  • Mbeni kota susu amene Jonas (17)

1  Jéhovah asara tënë lani na Jonas,*+ molenge ti Amittaï, atene:  “Londo, mo gue na Ninive+ kota gbata so, na mo fa tënë ti ngbanga so ayeke ga na ndö ti azo ti gbata ni ndali ti so mbi hinga aye ti sioni so ala sara.”  Me Jonas alondo, lo kpe lê ti Jéhovah ti gue na Tarsis; lo descend na Joppé, kâ lo wara mbeni bateau so ayeke gue na Tarsis. Tongaso, lo futa bateau ni, lo monté na yâ ni si lo na ala ague na Tarsis, yongoro na lê ti Jéhovah.  Tongaso, Jéhovah atokua mbeni kota pupu na ndö ti ngu-ingo ni. Pupu ni aya ngangu mingi, a sara si yâ ti bateau ni aye ti fâ.  Mbeto ahon ndö ti azo so ayeke sara kua na yâ ti bateau ni, a sara si zo oko oko akomanse ti iri nzapa ti lo ti tene lo sö lo. Ala komanse ti bi akungba ti yâ ti bateau ni na ngu ti tene bateau ni ayapu.+ Andâ Jonas adescend ti lo na mbeni ndo so ayeke na mbage ti gbe ni kâ na yâ ti bateau ni, lo lango; na lango ahon na lo.  Capitaine ti bateau ni aga na terê ti Jonas na lo tene na lo: “Mo yeke lango ndali ti nyen? Mo londo! Mo iri ndo na nzapa ti mo! Peut-être tâ Nzapa ayeke bâ ande mawa ti e si e kui pëpe.”+  Tongaso, ala tene na popo ti ala: “Ala ga, zia e bi mbeni ye+ ti hinga zo so ndali ti lo si ye ti ngangu so ayeke si na e so.” Ala bi ye ni, na a tï na ndö ti Jonas.+  Ala tene na lo: “Pardon, mo tene na e, ndali ti zo wa la ye ti ngangu so ayeke si na e so? Mo sara kua ti nyen? Mo londo na ndo wa? Kodro ti mo ayeke na ndo wa? Mara ti mo ayeke nyen?”  Lo kiri tënë na ala, lo tene: “Mbi yeke Hébreu, na mbi yeke voro Jéhovah Nzapa ti yayu, Lo so asara ngu-ingo nga na sese.” 10  Na mango tënë so, azo ni akiri asara mbeto mingi na ala hunda lo, atene: “Nyen la mo sara nyen? (Na peko ti so lo sara tënë ni na ala la si ala ga ti hinga so lo yeke kpe fade kpengo ti hon yongoro na lê ti Jéhovah.) 11  Tongaso, ala tene na lo: “Nyen la e yeke sara na mo nyen, ti tene ngu-ingo ni akaï na terê ti e?” Ngbanga ti so amapo ti kota ngu-ingo ni ayeke londo gï londongo na ngangu ti gue na ni. 12  Lo tene na ala: “Ala yô mbi ala bi mbi na yâ ti ngu ni, na fade ngu-ingo ni akaï na terê ti ala, ndali ti so mbi hinga so a yeke ngbanga ti mbi la si kota pupu so aga na ndö ti ala so.” 13  Me akoli ni so asara ngangu ti gue na bateau ni na ndö ti kuru sese, me ala sara gbä ngbanga ti mapo ti ngu ni so ayeke ga na ndö ti ala so, a yeke londo gï londongo na ngangu. 14  Ala bâ gbä, ala dekongo na Jéhovah, ala tene: “Aï! Jéhovah, mo zia si e kui pëpe ndali ti koli so!* Sara si ngbanga ti mênë ti zo ti mbilimbili aga na li ti e pëpe, ndali ti so mo, Jéhovah, mo sara ye so anzere na lê ti mo.” 15  Na pekoni, ala mû Jonas ala bi lo na yâ ti ngu-ingo ni, na ngu-ingo ni so ayeke yengi fade ngangu so angbâ akaï. 16  Mbeto ti Jéhovah angbâ asara azo ni so mingi;+ ala mû sandaga na Jéhovah na ala mû azendo na lo. 17  Jéhovah atokua mbeni kota susu ague amene Jonas, tongaso Jonas asara lâ ota na bï ota na yâ ti susu ni.+

Kete tënë

Ndani aye ti tene “Kolokoto.”
Wala “ndali ti âme ti koli so.”