Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Job 7:1-21

LI TI ATËNË NI

  • Kiringo tënë ti Job angbâ ti gue (1-21)

    • Fini ti zo ayeke tongana ngangu kua (1, 2)

    • “Mo konde mbi tongaso ndali ti nyen?” (20)

7  “Fini ti zo na ndö ti sese asi singo na angangu kua, nga alango ti fini ti lo ayeke tongana ti zo so a mû lo na kua.+   Tongana mbeni ngbâa, lo ye gï ti wara gbe ti dê, na tongana zo so a mû lo na kua, lo yeke ku futa ti lo.+   Tongaso mbi wara anze so nzoni ye oko ayeke dä pëpe, nga a mû na mbi abï so asi singo na pasi.+   Tongana mbi lango, mbi yeke hunda terê ti mbi: ‘Lawa si mbi yeke londo?’+ Me tongana yâ ti bï angbâ ti gboto, mbi yeke tourné terê ti mbi mbage na mbage juska ndo ahan.*   Angusu nga na sese amû terê ti mbi kue;+ akä so lê ni ahule hulengo nga na sanzo amû poro ti terê ti mbi kue.+   Alango ti fini ti mbi ayeke hon na loro hio ahon keke ti zo ti kpongo bongo,+ a yeke hunzi hunzingo, na beku ayeke dä pëpe.+   Dabe ti mo so fini ti mbi ayeke gï pupu,+ na so lê ti mbi ayeke kiri ti bâ encore ape ye so azia ngia na bê ti zo.*   Lê so abâ mbi laso ayeke bâ mbi mbeni pëpe; mo yeke gi mbi na lê ti mo, me mbi yeke dä mbeni pëpe.+   Tongana ti so mbinda ayeke hon yeke yeke ngbii agirisa, zo so ague na yâ ti Dû ti kuâ* ayeke kiri mbeni pëpe.+ 10  Lo yeke kiri na da ti lo mbeni pëpe, nga na ndo so lo yeke lani dä, azo ayeke dabe ti ala na lo mbeni pëpe.+ 11  Ni la mbi yeke kanga yanga ti mbi pëpe, mbi yeke fa vundu ti bê ti mbi; mbi yeke dema terê na yâ ti kota vundu ti mbi!*+ 12  Mbi yeke ngu-ingo wala kota nyama ti ngu-ingo? si mo zia sinziri na terê ti mbi so? 13  Tongana mbi tene: ‘Tange ti mbi ayeke dë bê ti mbi na gbogbo ti mbi ayeke sara si pasi ti mbi ayapu,’ 14  mo sara si mbi bâ asioni bango li, na mbeto ahon ndö ti mbi; na aye so mbi bâ na yâ ti avision amû na mbi mbeto, 15  a sara si mbi soro* ti tene mbeni ye akanga lege ti wungo ti mbi si mbi kui; mbi ye kuâ ahon ti ngbâ na yâ ti terê ti mbi so.*+ 16  Nzara ti gigi asigi na yâ ti mbi awe;+ mbi ye ti ngbâ na fini pëpe. Zia mbi kpô, ndali ti so alango ti mbi ayeke tongana senge pupu.+ 17  Zo ti sese ayeke nyen si mo bi bê ti mo na lo? Lo yeke nyen si mo zia lê* ti mo na ndö ti lo?+ 18  Ngbanga ti nyen lakue na ndapre lê ti mo ayeke na ndö ti lo, si mo tara lo na ngoi kue?+ 19  Mo yeke zi lê ti mo na terê ti mbi ape? Mo yeke zia mbi kpô si mbi mene ngu ti yanga ti mbi ape?+ 20  Tongana mbi sara siokpari, a yeke sara sioni na mo tongana nyen? Mo so lê ti mo ayeke na ndö ti azo.+ Mo konde mbi tongaso ndali ti nyen? Mbi ga mbeni nengo kungba na ndö ti mo? 21  Ndani nyen si mo pardonné kengo ndia wala faute ti mbi ape? Na yâ ti kete ngoi, mbi yeke lango na yâ ti fuku ti sese;+ mo yeke gi mbi na lê ti mo, me mbi yeke dä encore ape.”

Kete tënë

Wala “juska na kota ndapre.”
Na Hébreu: “ti bâ encore ape ye ti nzoni.”
Wala “Shéol,” so ti tene dû ti kuâ so azo kue ayeke gue dä. Bâ na kete bakari.
Wala “ndali ti âme ti mbi so ayeke na vundu mingi.”
Wala “âme ti mbi asoro.”
Na Hébreu: “ahon abio ti mbi.”
Na Hébreu: “bê.”