Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Job 39:1-30

LI TI ATËNË NI

  • Aye na ndö ti anyama afa so zo ahinga ye kue ape (1-30)

    • Angasa ti hoto na alekpa (1-4)

    • Kororo ti ngonda (5-8)

    • Ngbä (9-12)

    • Autruche (13-18)

    • Mbarata (19-25)

    • Ndeke ti mungo kondo nga na aigle (26-30)

39  “Mo hinga ngoi so angasa ti hoto ayeke dü?+ Mo bâ alekpa na dungo amolenge ti ala awe?+   Mo hinga wungo ti nze kue so ngo ti ala ayeke sara? Mo hinga ngoi ti dungo ti ala?   Ala yeke kuku si ala dü,na songo yâ ti ala ahunzi.   Amolenge ti ala akpengba, ala kono na yâ ti benyama;ala hon, na ala kiri na terê ti ala pëpe.   Zo wa la asara si kororo ti ngonda aduti yamba so?+ Zo wa la azi kamba na terê ti kororo ti ngonda?   Mbi sara si kpangbala ndo ti désert aga ndo ti lo,na mbi sara si sese so ingo ayeke dä aga ndo ti lango ti lo.   Lo he bruit ti yâ ti gbata hengo;na lo yeke mä pëpe dekongo ti zo ti fango lege na anyama.   Lo yeke fono na ndö ti akete hoto ti gi ndo ti tengo pere,lo yeke gi afini pere gingo.   Ngbä ayeke yeda ti sara kua na mo?+ Na bï, lo yeke lango na place ti tengo kobe ti anyama ti mo? 10  Ngbä alingbi ti yeda ti tene mo kanga lo na kamba si lo suru adû na yâ ti yaka ti mo? Wala lo yeke mû peko ti mo ti tourné yâ ti sese ti yâ ti popo-hoto?* 11  Mo yeke zia ande bê ti mo na ndö ti kota ngangu ti lo? nga mo yeke zia lo ti sara ngangu kua ti mo na mo? 12  Mo yeke zia ande bê ti mo na ndö ti lo ti ga na mo akobe* ti yaka ti mo? Lo yeke bungbi ande ni na ndo ti pikango alê ti kobe ti mo? 13  Autruche* ayeke pika kpangbi ti lo na ngia;me a lingbi ti haka akuä ti kpangbi ti lo nga na akuä ti terê ti lo na ti cigogne?+ 14  Lo zia apara ti lo na sese, lo hon;lo zia ni na yâ ti mbutu ti tene a chauffé. 15  Lo girisa so gere ti zo alingbi ti fâ yâ niwala so mbeni nyama ti ngonda alingbi ti dö ni. 16  Lo yeke sara ye na amolenge ti lo na ngangu mo bâ mo tene ala yeke amolenge ti lo pëpe;+lo gi nga bê ti lo pëpe so peko ti pasi ti lo alingbi ti ngbâ senge, 17  ndali ti so Nzapa agbanzi lo na ndara,*na lo mû na lo hingango ndo pëpe. 18  Me tongana lo londo si lo pika kpangbi ti lo,lo he mbarata nga na zo ti kpengo na mbarata ni hengo. 19  Mo la mo mû ngangu na mbarata?+ Mo la mo zia gbâ ti kuä ti terê na go ti lo si ayeke yengi so? 20  Mo peut ti sara si lo huru tongana gbadora? Toto ti hôn ti lo so lo gboto amû mbeto na zo.+ 21  Lo dö sese na ngangu na yâ ti popo-hoto nga terê ti lo anzere ngangu;+lo gue gï guengo na lê ti bira.*+ 22  Lo he ye ti mbeto hengo, nga lo sara mbeto ti ye oko pëpe.+ Lo kpe lê ti épée pëpe. 23  Bozo ti kokora so andu lo asara bruit;lê ti kete likongo nga na kota ni aza. 24  So terê ti lo ayeke dö gï dongo ti hon, lo yeke gue gï guengo na devant;*tongana a hûru didi, lo yeke duti kpô pëpe. 25  Tongana a hûru didi, lo yeke tene: ‘Ahaa!’ Lo ngbâ yongoro lo mä fion ti bira,lo mä dekongo ti amokonzi ti aturugu nga na dekongo ti bira.+ 26  Hingango ndo ti mo la asara si ndeke ti mungo kondo ahuru so? Nga ni la asara si lo gbara yâ ti kpangbi ti lo ti gue na mbage ti sud so? 27  Mo la mo mû yanga na aigle ti huru ayo na nduzu,+ti sara da ti lo kâ na nduzu,+ 28  ti lango kâ na yâ ti hoto na bï,nga ti wara ndo ti lango ti lo na ndö ti kota tênë ti li ti hoto* so? 29  Kâ, lo yeke gi kobe ti lo;+lê ti lo abâ ndo ayo. 30  Amolenge ti lo anyon mênë,nga ndo so akuâ ayeke dä, lo yeke dä.”+

Kete tënë

Wala “ti pika sese ti yâ ti popo-hoto si yâ ni azi?”
Na Hébreu: “angongoa.”
Wala “Naamo,” mbeni kota ndeke.
Na Hébreu: “asara si lo girisa ndara.”
Na Hébreu: “lo sigi ti tingbi na bongo ti bira.”
Na Hébreu: “lo yeke mene sese menengo.”
Na Hébreu: “na ndö ti pembe ti mbeni hoto.”