Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Job 37:1-24

LI TI ATËNË NI

  • Bekpa, neige, pupu nga na ambinda afa kota ti Nzapa (1-24)

    • Nzapa apeut ti sara si akusala ti zo aluti (7)

    • ‘Gbu li na ndö ti akusala ti Nzapa so adö bê’ (14)

    • Ti hinga Nzapa ayeke mbeni ye so ahon ngangu ti zo (23)

    • Zia zo oko apensé ape so ni yeke zo ti ndara (24)

37  “Tongaso, bê ti mbi apika ngangu ngangu,nga a pika na loro mingi.   Dengi mê nzoni mo mä go ti lo so ayeke sungba,nga na toto ti go ti lo so ayeke sungba tongana bekpa.   Lo sara si ye kue so ayeke na gbe ti yayu amä toto ni,nga lo tokua wâ ti bekpa ti lo+ juska na nda ti sese.   Na pekoni, a mä mbeni ye so atoto tongana toto ti bamara;go ti lo atoto ngangu mingi tongana bekpa,+nga lo kanga lege pëpe na wâ ti bekpa ni ti za na ngoi so go ti lo atoto.   Go ti Nzapa atoto ngangu+ na mbeni lege so apika bê ti zo;lo sara akota ye so ahon gbungo li ti e.+   Lo tene na neige: ‘Mo tï na ndö ti sese!’+ Nga lo tene na kota ngu-nzapa: ‘Mo pika ngangu!’+   Nzapa asara si akusala ti azo kue aluti,*tongaso si azo kue ti sese ahinga akusala ti Lo.   Anyama ti ngonda ague na ndo so ala lango dä,nga ala ngbâ na ndo so ala honde terê ti ala dä.   Kota pupu ti ngu asigi na yâ ti kubu ti lo, lo ya,+nga pupu ti mbage ti nord aga na dê.+ 10  Pupu ti yanga ti Nzapa asara si ngu aga glace,+nga akota ngu akpengba aga glace.+ 11  Ti tâ tënë ni, lo sara si ambinda ane na ngu;lo sara si wâ ti bekpa+ amû yâ ti ambinda; 12  ambinda ni ayeke tourné na loro loro na ndo so lo gue na ala dä;ala sara ye kue so lo hunda+ na ala ti sara na ndö ti sese so azo ayeke dä.* 13  Wala a yeke ti punir zo,*+ wala a yeke ndali ti nzoni ti sese niwala a yeke ndali ti tâ ndoye, lo sara si a si tongaso.+ 14  Mä tënë so si, Job;luti kete mo gbu li nzoni na ndö ti akusala ti Nzapa so adö bê.+ 15  Mo hinga tongana nyen la Nzapa akomande* ambinda? Mo hinga tongana nyen la lo sara si wâ ti bekpa alondo na yâ ti mbinda ti lo aza? 16  Mo hinga ye so asara si ambinda ayeke ngbâ gï na lê ti nduzu?+ Aye ni so ayeke aye ti dongo bê so Lo so ahinga ye kue asara.+ 17  Ngbanga ti nyen la bongo ti mo achaufféna ngoi so ndö ti sese adë siriri ndali ti pupu ti mbage ti sud?+ 18  Mo peut ti mû maboko na lo ti gbara yâ ti lê ti nduzu*+si akpengba tongana tatara ti wen? 19  Tene na e ye so mo ye e tene na lo ma;e hinga tënë ti tene na lo pëpe, ndali ti so e yeke na yâ ti bingo. 20  A yeke nzoni a tene na lo so mbi ye ti sara tënë? Wala mbeni zo atene mbeni tënë so a yeke nzoni a tene ni na lo?+ 21  Ala lingbi même pëpe ti bâ lumière,*atâa so a yeke su na lê ti nduzu,juska pupu aya ahon na ambinda ni. 22  Ye so aza tongana lor alondo na mbage ti nord,kota ti Nzapa+ apika bê ti zo mingi. 23  Ti hinga Lo so ngangu ti lo ahon angangu kue ayeke mbeni ye so ahon ngangu ti e;+ngangu ti lo ayeke kota mingi,+nga lo sara ye ague nde pëpe na fango ngbanga ti lo+ nga na mbilimbili ti lo+ so ayeke mingi. 24  Tongaso, a yeke nzoni azo akpe mbeto ti lo,+ndali ti so lo yeke bâ na nzoni lê pëpe azo so apensé so ala yeke azo ti ndara.”+

Kete tënë

Na Hébreu: “Nzapa akpo nzoroko na ndö ti maboko ti zo oko oko kue.”
Wala “na ndö ti sese so kobe alingbi ti sigi dä.”
Na Hébreu: “ti tene a ga zaza.”
Wala “ayeke na ngangu na ndö ti.”
Wala “ti pika yâ ti lê ti nduzu si aga plat plat.”
So ti tene lumière ti lâ.