Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Job 35:1-16

LI TI ATËNË NI

  • Élihu afa so atënë ti Job ayeke na lege ni ape (1-16)

    • Job atene so lo yeke mbilimbili ahon Nzapa (2)

    • Nzapa ayeke na nduzu mingi, siokpari asara ye oko na lo ape (5, 6)

    • Job adoit ti ku Nzapa (14)

35  Élihu angbâ ti sara tënë, lo tene:   “Mo bâ so mo yeke tâ na raison? Ni la mo tene: ‘Mbi yeke mbilimbili ahon Nzapa’?+   Mo tene: ‘So mbi sara ye mbilimbili so, a sara nyen na mo?* So mbi sara siokpari pëpe so, nzoni ti nyen la mbi wara dä?’+   Mbi yeke kiri tënë na mo na akamarade+ ti mo ni nga.   Yô lê ti mo na nduzu, mo bâ ndo, mo bâ ambinda+ so ayeke kâ na lê ti nduzu, yongoro na mo.   Tongana mo sara siokpari, mo sara sioni na lo?+ Tongana akengo ndia ti mo aga gbani, a sara nyen na lo?+   Tongana mo yeke mbilimbili, nyen la mo mû na lo? Nyen la lo wara na maboko ti mo?+   Sioni ti mo asara sioni gï na mba ti mo zo, na mbilimbili ti mo asara nzoni gï na molenge ti zo.   Azo atoto tongana a sara ye ti ngangu mingi na ala; ala toto ti tene a zi ala na gbe ti komandema* ti azo ti ngangu.+ 10  Me zo oko atene pëpe, atene: ‘Kota Nzapa so asara mbi so, lo yeke na ndo wa?+ Lo so asara si azo ayeke he bia na bï.’+ 11  Lo fa ye na e+ ahon anyama ti sese,+ na lo mû na e ndara ahon andeke ti nduzu. 12  Azo atoto, me lo kiri tënë na ala pëpe,+ ngbanga ti baba ti azo ti sioni.+ 13  Ti tâ tënë ni, Nzapa ayeke mä toto ti senge senge* pëpe,+ Lo so ngangu ti lo ahon angangu kue adengi mê ti lo ti mä ni pëpe. 14  So si mo yeke diko tënë ndali ti so mo bâ lo pëpe so, si lo yeke dengi mê ti mä mo ande?+ Tënë ti mo asi na gbele lo awe; tongaso a yeke nzoni mo kanga bê mo ku lo.+ 15  Lo iri mo na lê ti ngonzo pëpe ti kiri tënë na lo, nga lo bi bê ti lo pëpe na atënë so mo tene hio hio so.+ 16  Job azi yanga ti lo kota, lo sara tënë senge senge; lo diko gbâ ti tënë, me lo hinga tënë so lo tene pëpe.”+

Kete tënë

Âmanke a ye ti sara tënë ti Nzapa la.
Na Hébreu: “maboko.”
Wala “mvene.”