Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Job 31:1-40

LI TI ATËNË NI

  • Job afa so lo sara gï ye ti mbilimbili (1-40)

    • “Mbi te mbele na lê ti mbi” (1)

    • Lo ye si Nzapa azia lo na ndö ti kilo (6)

    • Lo gi wali ti mbeni zo nde ape (9-12)

    • Lo ndoye nginza ape (24, 25)

    • Lo voro yanda ape (26-28)

31  “Mbi te mbele na lê ti mbi awe.+ Tongaso, tongana nyen la si mbi lingbi ti bâ mbeni maseka-wali na nzara ni?+   Tongana a yeke tongaso, Nzapa so ayeke na nduzu ayeke mû nyen na mbi? Nyen la mbi yeke wara na maboko ti Lo so ngangu ti lo ahon angangu kue so lo yeke na nduzu?   Ye ti vundu ayeke ku azo ti sioni ape? Azo so ayeke sara sioni na amba ti ala, ye ti ngangu ayeke ku ala ape?+   Lo bâ alege ti mbi kue ape?+ Nga lo diko peko ti gere ti mbi kue ape?   Mbi tambela lâ oko awe na lege ti mvene?* Gere ti mbi ague hio ti handa zo awe?+   Mbi ye si Nzapa azia mbi na ndö ti kilo+ so afa nengo ti ye mbilimbili,na lo yeke bâ so mbi yeke sara ye lakue mbilimbili.+   Tongana gere ti mbi amû mbeni lege nde+wala bê ti mbi ague na peko ti mbeni ye so lê ti mbi+ abâ,wala tongana maboko ti mbi aga sioni,   zia mbeni zo nde ate lê ti kobe so mbi lu,+na zia a gboto ye so mbi lu.*   Tongana mbeni wali ahanda bê ti mbi+na mbi ku na hondengo ni+ na yanga-da ti mba ti mbi, 10  zia wali ti mbi apika fuku ndali ti mbeni koli nde,na zia ambeni koli nde alango na lo.*+ 11  So ayeke sarango ye ti kamene la,mbeni faute so a lingbi ajuge apunir zo ndali ni.+ 12  A yeke mbeni wâ so ayeke gbi ye ngbii afuti ni kue,+a yeke gbi même aye ti mbi kue.* 13  Tongana zo ti kua ti mbi ti koli wala ti wali ayeke na mbeni tënë ti dema* na terê ti mbisi mbi kanga lê na ndö ni, 14  mbi yeke sara ande nyen na ngoi so Nzapa airi mbi* ti hunda mbi? Mbi yeke tene ande nyen na ngoi so lo iri mbi ti kiri tënë na lo?+ 15  Lo so asara mbi na yâ ti mama ti mbi la asara ala ape?+ Oko zo so la asara e kozo ti tene a dü e ape?*+ 16  A si awe so mbi ke ti mû na awayere ye so ala ye?+ Wala a si awe so mbi sara si lê ti mbeni wali-mua ayeke na ngia ape?+ 17  A si awe so mbi te kobe ti mbi gï mbi okosân ti mû mbeni na anyindu?+ 18  (Ngbene ye so mbi de maseka, nyindu abâ* mbi tongana babâ ti lo,na ngbene ye so mbi de molenge,* mbi yeke fa lege na wali-mua.*) 19  A si awe so mbi bâ gï bango na lê zo so dê aye ti fâ lo ndali ti so lo yeke na bongo ape? Wala a si awe so mbi bâ gï bango na lê wayere so ayeke pëpe na ye ti bi na terê ti lo?+ 20  A si awe so lo tene* tufa na ndö ti mbi pëpe+na ngoi so lo yü kuä ti terê ti taba ti mbi ti tomba dê na terê ti lo? 21  A si awe so mbi yôro maboko ti mbi na lê ti mbeni nyindu+na ngoi so lo yeke na bezoin ti tene mbi mû maboko na lo na yanga ti gbagba ti gbata?*+ 22  Tongana a yeke tongaso, mbi ye si maboko* ti mbi azi na terê ti kate ti mbi atï,na mbi ye si maboko ti mbi akungbi na place ti kûtu* ni. 23  Mbeto ti ye ti ngangu so alondo na Nzapa ahon ndö ti mbi,na mbi lingbi pëpe ti luti na gbele kota ti lo. 24  A si awe so mbi zia bê ti mbi na ndö ti lor? Wala mbi tene na lor ti nzoni ni: ‘Mo la mo sara si mbi duti nzoni’?+ 25  A si awe so mbi wara ngia gï na yâ ti gbâ ti mosoro ti mbi?+ Wala ndali ti gbâ ti akungba so mbi yeke na ni?+ 26  A si awe so mbi bâ lâ* so ayeke suwala pendere nze so ayeke tambela,+ 27  na bê ti mbi ahanda mbi,na mbi embrassé maboko ti mbi ti voro na aye ni so?+ 28  Tongana a yeke tongaso, a yeke mbeni faute so a lingbi ajuge apunir mbi ndali ni,teti a fa so mbi ke tâ Nzapa so ayeke na nduzu so awe. 29  A si awe so mbi duti na ngia ndali ti so a futi wato ti mbi?+ Wala bê ti mbi anzere ndali ti so ye ti sioni asi na lo? 30  Mbi zia lege lâ oko pëpe na yanga ti mbi ti sara siokparina lege so mbi deba ti tene lo kui.*+ 31  Azo ti yâ ti tente ti mbi ayeke tene ka, atene:‘Zo wa la abâ mbeni zo so yâ ti lo asi pëpe na kobe*+ so lo te na ndo ti lo?’ 32  Mbeni wande so alango na gigi ayeke dä pëpe;+mbi zi yanga-da ti mbi na zo ti lege. 33  A si awe so mbi tara ti kanga ndö ti akengo ndia ti mbi tongana ti ambeni zo+na lege so mbi honde faute ti mbi na yâ ti bozo ti bongo ti mbi? 34  A si awe so mbi sara mbeto ti ye so gbâ ti azo alingbi ti tene? Wala a si awe so mbeto ti tene ambeni sewa ahe mbi ahon ndö ti mbina a sara si mbi duti kpô nga mbi sigi ape? 35  Tongana fade mbeni zo amä mbi,+ka mbi yeke sû iri ti mbi na gbe ti ye so mbi tene.* Mbi ye si Lo so ngangu ti lo ahon angangu kue akiri tënë na mbi.+ Tongana fade zo so abi tënë na li ti mbi asû atënë ni na lê ti mbeti, ka a yeke nzoni! 36  Ka mbi yeke yô ni na ndö ti go ti mbi,na mbi yeke yü ni na li ti mbi tongana couronne. 37  Ka mbi yeke fa na lo peko ti atambela ti mbi oko oko kue;ka mbi yeke ga nduru na lo sân mbeto, tongana ti so mbeni mokonzi ayeke ga nduru na kota zo ti lo. 38  A si awe so yaka ti mbi wani atoto na iri ti mbina adû ti yaka ni so a suru na charrue atoto? 39  A si awe so mbi te lengo ni sân ti futa ni,+wala awa ni* atoto na vundu ndali ti so mbi mû yaka ti ala?+ 40  Tongana a yeke tongaso, zia si akî asigi na yaka ti mbi na place ti blé,nga asioni pere asigi na place ti orge.” Tënë ti Job ahunzi ge.

Kete tënë

A lingbi nga ti tene “na azo ti mvene?”
Wala “zia a futi ahale ti mbi kue.”
Na Hébreu: “zia ambeni koli nde akuku na ndö ti lo.”
Wala “a yeke gbi ni juska na gunda ni kue.”
Wala “ti gue na ni na gbele ngbanga.”
Na Hébreu: “alondo.”
Na Hébreu: “na yâ ti mama ti e ape?”
Na Hébreu: “lo bâ.”
Na Hébreu: “na yâ ti mama ti mbi.”
Na Hébreu: “lo.”
Na Hébreu: “arein ti lo atene.”
A lingbi nga ti tene “na ngoi so mbi bâ so zo ti mû part ti mbi ayeke na yanga ti gbagba ni?”
Wala “omoplate.”
Wala “place so abio use atingbi terê dä; place ti bio ti nduzu ni.”
Na Hébreu: “lumière.”
Wala “âme ti lo akui.”
Na Hébreu: “nyama.”
Wala “bâ signature ti mbi la.”
Wala “âme ti awa ni.”