Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Job 3:1-26

LI TI ATËNË NI

  • Job adema na ndö ti lango ti dungo lo (1-26)

    • Lo hunda ndani so lo yeke bâ pasi (20, 21)

3  A yeke na pekoni si Job azi yanga nga lo deba lango ti dungo lo.*+  Job atene:   “Zia si lango so a dü na mbi+ agirisa biani, legeoko na bï so a tene: ‘A mû ngo ti molenge ti koli!’   Zia si lango ni so aga gï bingo. Zia si Nzapa so ayeke na nduzu abi bê ti lo na ni pëpe, nga si lumière asu dä pëpe.   Zia si kota bingo* amene ni. Zia si mbinda ti ngu-nzapa aduti na ndö ni. Zia si ye so asara si ndo avuko na kota lâ amû mbeto na lango ni so.   Zia si ndo so avuko ngangu amene bï ni so;+ nga si bï ni so aduti na ngia pëpe na atanga ti alango ti ngu ni; zia si a diko ni pëpe na popo ti alango ti anze.   Ti tâ tënë ni, zia si mbeni zo abâ gigi na bï ni so pëpe; nga si a mä go ti ngia na bï ni so pëpe.   Zia si azo so ayeke deba alango adeba lango ni so, ala so ayeke zingo Léviathan.*+   Zia si atongoro ti kota ndapre ti lango ni so asu pëpe; zia si lango ni so aku lumière ti kota lâ gbä; nga lo bâ lumière ti ndapre pëpe. 10  Ndali ti so lo kanga yâ ti mama ti mbi pëpe,+ nga lo honde aye ti vundu na lê ti mbi pëpe. 11  Ngbanga ti nyen mbi kui na ngoi ti dungo mbi ape? Ngbanga ti nyen mbi kui na tango so mbi sigi na yâ ti mama ti mbi ape?+ 12  Ngbanga ti nyen mbeni zo ayeke lani dä ti yô mbi na ndö ti gere ti lo? nga mbi wara me ti nyon? 13  Ka ape mbi yeke lango fadeso kpô;+ mbi yeke lango na mbi yeke wu terê ti mbi,+ 14  mbi na agbia ti sese nga na awawango ti ala, ala so aleke ando ti ala so abuba fadeso awe,* 15  wala mbi na amolenge ti agbia so ayeke na lor, ala so da ti ala asi singo na argent. 16  Wala ngbanga ti nyen ngo ti mbi atï ape? tongana ti amolenge so abâ lumière lâ oko pëpe. 17  Kâ, mbeni ye ti yengi même azo ti sioni ayeke dä pëpe, kâ kue, azo so awoko awe ayeke wu terê ti ala.+ 18  Kâ, azo ti kanga kue ayeke wu terê ti ala; ala yeke mä pëpe go ti zo ti gbungo ala na ngangu ti sara kua. 19  Kâ, akete zo na akota zo kue ayeke oko,+ nga a zi ngbâa na maboko ti wa ti lo awe. 20  Ngbanga ti nyen lo mû lumière na zo so ayeke bâ pasi? nga lo mû fini na azo so ayeke na yâ ti kota vundu?*+ 21  Ngbanga ti nyen ala ye ti kui, me kuâ ni aga ape?+ Ala gi ni gingo ahon mosoro so a honde, 22  ala so ayeke na ngia mingi, ala so ayeke na ngia tongana ala wara dû ti kuâ. 23  Ngbanga ti nyen Nzapa amû lumière na zo so agirisa lege, zo so Nzapa asara gbagba na terê ti lo so?+ 24  Na ngoi so mbi doit ti te ye, mbi yeke dema,+ nga demango ti mbi+ aga tongana ngu so ayeke sigi; 25  ndali ti so, ye so mbi sara mbeto ni mingi aga na ndö ti mbi; nga ye so mbi sara mbeto ni asi na mbi. 26  Mbi yeke na siriri pëpe, mbi duti kpô pëpe, mbi wu nga terê ti mbi pëpe, me akpale angbâ gï ti ga.”

Kete tënë

Na Hébreu: “lo deba lango ti lo.”
Wala “bingo nga gbe ti dê ti kuâ.”
Azo apensé so a yeke ngunde wala mbeni kota nyama ti ngu so ayeke ngangu mingi.
A lingbi nga ti tene “so aleke ndali ti ala wani ando so zo ayeke dä pëpe.”
Wala “azo so âme ti ala ayeke na vundu mingi.”