Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Job 27:1-23

LI TI ATËNË NI

  • Job aleke na bê ti lo ti sara ye lakue mbilimbili (1-23)

    • “Mbi yeke ngbâ gï na ndö ti sarango ye ti mbi ti mbilimbili” (5)

    • Zo so akpe Nzapa ape ayeke na beku ape (8)

    • “Nyen la ala tene gï asenge senge tënë so?” (12)

    • Ye oko ayeke ngbâ na zo ti sioni ape (13-23)

27  Job angbâ ti gue na tënë,* lo tene:   “Ti tâ tënë ni, so Nzapa ayeke na fini, lo so ake ti fâ ngbanga ti mbi mbilimbili,+ so Lo so ngangu ti lo ahon angangu kue ayeke na fini, lo so asara si vundu ahon ndö ti mbi,*+   na ngoi kue so mbi ngbâ ti wu pupu nga yingo so alondo na Nzapa angbâ na yâ ti hôn ti mbi,+   tënë ti kirikiri ayeke sigi na yanga ti mbi pëpe, nga langue ti mbi ayeke sara tënë ti handa pëpe.   Mbi yeke tene lâ oko pëpe so ala yeke azo ti mbilimbili! Juska mbi kui, mbi yeke ngbâ gï na ndö ti sarango ye ti mbi ti mbilimbili!+   Mbi yeke gbu mbilimbili ti mbi ngangu, mbi yeke zia ni lâ oko pëpe;+ na ngoi kue so mbi ngbâ na fini,* bê ti mbi ayeke fâ ngbanga na li ti mbi* pëpe.   Zia si ye so asi na azo ti sioni asi nga na wato ti mbi, na ye so asi na azo so ayeke mbilimbili pëpe asi nga na azo so atiri na mbi.   Na ngoi so a futi zo so akpe Nzapa pëpe,*+ wala Nzapa amû fini* ti lo, beku ti nyen la lo yeke na ni?   Na ngoi so ye ti ngangu asi na lo, Nzapa ayeke mä ande toto ti lo?+ 10  Wala lo yeke duti na ngia ndali ti Lo so ngangu ti lo ahon angangu kue? Lo yeke iri ndo na Nzapa na ngoi kue? 11  Mbi yeke fa na ala ye na ndö ti ngangu ti Nzapa;* mbi yeke honde ye oko pëpe na ndö ti Lo so ngangu ti lo ahon angangu kue. 12  Tongana ala kue awara vision, ka nyen la ala tene gï asenge senge tënë so? 13  Bâ ye so Nzapa amû na zo ti sioni,+ nga ye so Lo so ngangu ti lo ahon angangu kue amû na azo so asara ye ti ngangu na azo ti ga ti ala so la: 14  Tongana amolenge ti lo aga gbani, a yeke fâ ala na épée,+ ahale ti lo ayeke wara kobe alingbi na ala pëpe. 15  Kobela ti fango zo la ayeke lu azo so angbâ na peko ti lo, awali ti ala ayeke toto ala pëpe. 16  Même tongana lo bungbi argent na ndö ti terê tongana fuku ti sese, na bongo ti lo ayeke gbani tongana popoto so a bungbi ni na ndö ti terê, 17  atâa so lo bungbi ni tongaso, zo ti mbilimbili la ayeke yü ni ande,+ nga azo so tënë ayeke na li ti ala pëpe la ayeke kangbi yâ ti argent ti lo na popo ti ala. 18  Da so lo leke akpengba oko pëpe, tongana da ti makongo ti tengo bongo nga tongana kpangba+ so mbeni sinziri aleke. 19  Lo yeke na mosoro na ngoi so lo gue ti lango, me lo yeke wara ye oko na ndö ni pëpe; na ngoi so lo zi lê ti lo, ye oko ayeke dä pëpe. 20  Kota mbeto ahon ndö ti lo tongana ngu so asuku; kota ngu-nzapa ahon na lo na bï.+ 21  Pupu ti mbage ti est ayeke hon na lo, na lo yeke dä encore ape; a zi lo na ndo so lo yeke dä a hon na lo.+ 22  Pupu ni ayeke pika lo sân ti bâ mawa ti lo,+ na ngoi so lo yeke tirika gbä ti kpe ngangu ni.+ 23  Pupu ni ayeke pika maboko ti he lo, nga na place so pupu ni ayeke ya dä, a hûru yanga+ na ndö ti lo.*

Kete tënë

Na Hébreu: “proverbe.”
Wala “âme ti mbi.”
Wala “na yâ ti fini ti mbi kue.”
Wala “bê ti mbi ayeke tene tënë na mbi.”
Wala “apostat.”
Wala “âme.”
A lingbi nga ti tene “grâce na Nzapa.”
A lingbi nga ti tene “Ala pika maboko ti he lo nga na place so ala yeke dä, ala hûru yanga na ndö ti lo.”