Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Job 26:1-14

LI TI ATËNË NI

  • Kiringo tënë ti Job (1-14)

    • ‘So tâ mungo maboko na zo la?’ (1-4)

    • ‘Nzapa azia sese na ndö ti ye oko ape’ (7)

    • ‘Gï kete yanga ti akusala ti Nzapa la’ (14)

26  Job akiri tënë, atene:  “Zo so ayeke na ngangu pëpe, mo hinga ti mû maboko na lo! Maboko so ayeke na ngangu pëpe,+ mo hinga ti sö ni!   Zo so ayeke na ndara pëpe,+ mo mû tâ pendere wango na lo! Mo fa so mo yeke tâ na kota* ndara!*   Mo yeke gi ti sara tënë na zo wa? Zo wa la azia mara ti atënë ni so na yanga ti mo?*   Azo so akui awe na so ayeke na ngangu pëpe, terê ti ala adö;ala yeke na gbe ni mingi ahon akota ngu nga na aye kue so ayeke na yâ ni.   Dû ti kuâ* ayeke na gigi senge na lê ti Nzapa,*+nga ndo so ye afuti dä* ayeke dandara.   Lo gbara yâ ti lê ti nduzu na mbage ti nord* na ndo so ayeke hololo,+lo zia sese na ndö ti ye oko pëpe;   lo kanga angu na yâ ti ambinda ti lo,+si nengo ti angu ni asuru yâ ti ambinda ni pëpe;   lo kanga lege ti trône ti lo si a bâ ni pëpe,lo gbara yâ ti mbinda ti lo na ndö ni.+ 10  Lo suru mbeni ligne* na popo ti lê ti nduzu na lê ti ngu,+lo zia katikati na popo ti lumière na bingo. 11  Apilier ti yayu ayengi,sukungo so lo suku asara si ala dö. 12  Na lege ti ngangu ti lo, lo sara si ngu-ingo alondo ngangu,+nga teti so lo hinga ye, lo kungbi yâ ti kota nyama ti ngu-ingo* kete kete.+ 13  Na lege ti pupu ti yanga* ti lo, lo sara si lê ti nduzu avuru;na maboko ti lo, lo kpo yâ ti ngbo so a yeke ngangu ti gbu lo.* 14  Bâ, aye so ayeke gï kete yanga ti akusala ti lo;+e mä tënë gï kete kete na ndö ti lo. Tongaso, zo wa la alingbi ti hinga lege so lo sara si bekpa asungba ngangu?”+

Kete tënë

Wala “mo yeke na gbâ ti.”
Wala “hingango ndo.”
Na Hébreu: “Pupu (yingo) ti zo wa la asigi na yâ ti mo?”
Wala “Shéol,” so ti tene dû ti kuâ so azo kue ayeke gue dä. Bâ na kete bakari.
Na Hébreu: “lo.”
Wala “Abaddon.”
Na Hébreu: “Lo gbara yâ ti nord.”
Na Hébreu: “mbeni cercle.”
Na Hébreu: “Rahab.”
Wala “pupu.”
Wala “so ayeke hara.”