Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Job 18:1-21

LI TI ATËNË NI

  • Use tënë ti Bildad (1-21)

    • Lo fa aye so ayeke si na awasiokpari (5-20)

    • Lo tene so Job ahinga Nzapa ape (21)

18  Bildad,+ zo ti mara ti Shuah, akiri tënë, atene:   “Juska lawa si mo yeke kaï ti sara mara ti atënë so? Mo gbu nga li ti mo ma! si e lingbi ti sara tënë.   Ngbanga ti nyen mo yeke bâ e tongana anyama+ nga tongana abuba zo?*   Même tongana, na lê ti ngonzo ti mo, mo suru yâ ti terê ti mo* kete kete, sese kue ayeke ga gï ngonda ndali ti mo? Wala kota tênë ayeke zia ndo ti lo ti hon?   Lumière ti zo ti sioni ayeke mingo, nga wâ ti lo ayeke za pëpe.+   Lumière ti yâ ti tente ti lo ayeke ga gï bingo, nga lampe so ayeke su na ndö ti lo ayeke mingo.   Lo yeke bi gere ti lo kota kota encore ape, nga wango ti lo wani ayeke sara si lo tï.+   Gere ti lo ayeke gue na lo na yâ ti gbanda, na lo yeke tambela na yâ ni.   Kûkû ayeke gbu gere ti lo; gbanda ayeke gbu lo.+ 10  A honde kamba na sese ti gbu na lo, na a sara kûkû na lege ti lo. 11  Aye ti mungo mbeto mingi na zo angoro lo kue,+ na a mû gï peko ti lo. 12  Ngangu ti lo ahunzi, na ye ti ngangu+ ayeke sara si lo tambela tongana zo so anyon ye.* 13  Mbeni ye ate poro ti terê ti lo kue; tâ sioni kobela ti fango zo* ate amembre ti lo kue. 14  A gboto lo na yâ ti tente ti lo+ so lo duti nzoni dä, a gue na lo na gbia ti aye ti mungo mbeto na zo.* 15  Awande* ayeke lango na yâ ti tente ti lo; a yeke tuku soufre na ndo ti lango ti lo.+ 16  Lo yeke ga tongana keke so gunda ni ahule na amaboko ni ahule. 17  Azo ayeke dabe ti ala na lo encore ape, na lege azo ayeke hinga iri ti lo pëpe.* 18  A yeke tomba lo na ndo so lumière ayeke dä si lo gue na yâ ti bingo, na a yeke tomba lo na ndö ti sese so ye alë dä. 19  Lo yeke wara molenge wala hale pëpe na popo ti azo ni, nga mbeni zo ti lo ayeke sö kuâ pëpe na ndo so lo sara kodro dä.* 20  Tongana lango ti lo asi awe, bê ti azo ti mbage ti Ouest ayeke dö ngangu, na mbeto ayeke gbu azo ti mbage ti Est. 21  Ye so ayeke si na atente ti zo ti sioni la nga na ndo so zo so ahinga Nzapa pëpe asara kodro dä.”

Kete tënë

A lingbi nga ti tene “ye ti saleté?”
Wala “âme ti mo.”
Wala “so mbage ti gere ti lo abuba.”
Na Hébreu: “kozo molenge ti kuâ.”
Wala “a gue na lo ti wara sioni kuâ.”
Na Hébreu: “Mbeni ye so ayeke ti lo pëpe.”
Na Hébreu: “lo yeke duti na iri pëpe.”
Wala “ndo so lo sara kodro dä teti mbeni ngoi.”