Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Job 17:1-16

LI TI ATËNË NI

  • Kiringo tënë ti Job angbâ ti gue (1-16)

    • “Azo ti hengo ndo angoro mbi” (2)

    • “Nzapa asara si mbi ga mbeni ye ti ngia” (6)

    • “Dû ti kuâ ayeke ga da ti mbi” (13)

17  “Ngangu ahunzi na mbi kue awe, lango ti mbi ahunzi awe; dû ti kuâ ayeke ku mbi kungo.+   Azo ti hengo ndo angoro mbi,+ lê ti mbi abâ gï* sarango ye ti kpengba-li ti ala.   Pardon, mû zendo na mbi so mo yeke mû ande maboko na mbi. Mbeni zo nde ayeke dä ti bara mbi na maboko na ti gbu koko ti mbi?+   Mo sara si ala bâ yâ ti ye nzoni pëpe,+ ni la mo yâa iri ti ala na nduzu pëpe.   Mbeni zo airi akamarade ti lo ti mû ye na ala, me amolenge ti lo wani ayeke na ye pëpe.   Nzapa asara si mbi ga mbeni ye ti ngia* na popo ti azo,+ na ala yeke tuku ngu ti yanga na lê ti mbi.+   Pasi ti mbi asara si lê ti mbi abâ ndo nzoni pëpe,+ na amembre ti terê ti mbi kue ayeke gï tongana gbe ti dê.   Li ti azo ti mbilimbili akpe kue tongana ala bâ ye so asi so, nga tongana zo so tënë ayeke na li ti lo pëpe abâ azo so akpe Nzapa pëpe,* ye ni asara lo nzoni pëpe.   Zo ti mbilimbili angbâ gï na lege ti lo,+ na zo so maboko ti lo avuru awara ngangu ahon ti kozo.+ 10  Âdu ti ala, ala lingbi ti kiri ti dë gaba na mbi senge, teti mbi bâ ti mbi mbeni zo ti ndara na popo ti ala pëpe.+ 11  Lango ti mbi ahunzi awe;+ aye so mbi leke ti sara, aye so agbu bê ti mbi, yâ ni abuba awe.+ 12  Akamarade ti mbi angbâ gï ti zia bï na place ti kota lâ, ala tene: ‘So ndo avuko awe so, lumière aga nduru awe.’ 13  Tongana mbi ku, Dû ti kuâ* ayeke ga da ti mbi;+ mbi yeke leke ande gbogbo ti mbi na yâ ti bingo.+ 14  Mbi yeke dekongo na kota dû,*+ mbi tene: ‘Mo yeke babâ ti mbi!’ Na ngusu, mbi tene: ‘Mo yeke mama ti mbi nga ita ti mbi ti wali!’ 15  Tongaso, beku ti mbi ayeke na ndo wa?+ Zo wa la alingbi ti bâ so mbi yeke na beku? 16  A* yeke gue ande na Dû ti kuâ,* na ngoi so mbi na beku ti mbi e yeke gue na yâ ti fuku ti sese.”+

Kete tënë

Wala “angbâ na terê ti.”
Na Hébreu: “mbeni proverbe; tënë so amû yanga ti azo.”
Wala “a-apostat.”
Wala “Shéol,” so ti tene dû ti kuâ so azo kue ayeke gue dä. Bâ na kete bakari.
Wala “dû ti kuâ.”
So ti tene beku ti mbi.
Wala “Shéol,” so ti tene dû ti kuâ so azo kue ayeke gue dä. Bâ na kete bakari.