Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Job 14:1-22

LI TI ATËNË NI

  • Kiringo tënë ti Job angbâ ti gue (1-22)

    • Gigi ti zo ayeke gï nduru na asi singo na vundu (1)

    • “Beku ayeke dä même ndali ti mbeni keke” (7)

    • “Mbi ye mo honde mbi na yâ ti Dû ti kuâ” (13)

    • “Tongana mbeni zo akui, lo lingbi ti kiri na fini?” (14)

    • Nzapa ayeke ku kungo ti bâ kusala ti maboko ti lo (15)

14  “Zo so wali adü lo,+ gigi ti lo ayeke gï nduru+ nga asi singo na aye ti vundu.*   Lo yeke tongana mbeni fleur so asigi, na pekoni a hule,*+ lo yeke tongana gbe ti dê so akpe hio na agirisa.+   Mo zia lê ti mo gï na ndö ti lo, na mo gue na lo* na gbe ti ngbanga.+   Zo so sioni ye ayeke na terê ti lo alingbi ti dü zo so sioni ye ayeke na terê ti lo ape?+ Oko ape!   Tongana a fa wungo ti alango ti lo awe, wungo ti anze ti lo ayeke na maboko ti mo; mo fa mbeni katikati na lo so lo lingbi ti hon ni pëpe.+   Zi lê ti mo na terê ti lo si lo wu terê ti lo, juska lo hunzi lango ti lo, tongana ti zo so a mû lo na kua.+   Beku ayeke dä même ndali ti mbeni keke. Tongana a dë ni na sese, a yeke kiri ti sigi, na akete ni so asigi na terê ni ayeke ngbâ ti maï.   Tongana gunda ni so ayeke na gbe ti sese aninga mingi na nduru ni so angbâ akui na yâ ti sese,   na ngoi so lo mä fion ti ngu, lo yeke sigi, na amaboko ni ayeke sigi mo bâ mo tene a yeke fini keke. 10  Me tongana zo akui, ngangu ti lo ayeke dä mbeni pëpe; tongana zo akui, lo yeke na ndo wa?+ 11  Ngu ti ngu-ingo ahon, na bale asua ague na mbeni ndo nde, na a hule. 12  Azo nga alango, na ala londo pëpe.+ Juska yayu ayeke dä mbeni pëpe, ala yeke zingo ande pëpe; mbeni zo alingbi ti zingo ala na lango ni pëpe.+ 13  Mbi ye mo honde mbi na yâ ti Dû ti kuâ,*+ mbi ye mo honde mbi juska ngonzo ti mo ahon, mbi ye si na ngoi so mo fa, mo dabe ti mo na mbi.+ 14  Tongana mbeni zo akui, lo lingbi ti kiri na fini?+ Na alango kue ti kua so a gbu mbi na ngangu ti sara, mbi yeke ngbâ ti ku juska ngoi ti zingo mbi asi.+ 15  Mo yeke iri ndo, na mbi yeke yeda.+ Mo yeke ku kungo* ti bâ kusala ti maboko ti mo. 16  Me ti fadeso, mo ngbâ ti diko tambela ti mbi oko oko kue; mo yeke gi gï ti bâ siokpari ti mbi. 17  Mo kanga na yâ ti bozo kengo ndia ti mbi, nga mo kanga yanga ti faute ti mbi, na mo zia colle dä. 18  Tongana ti so hoto atï na aga fuku, nga a zi kota tênë na place ti lo, 19  tongana ti so ngu ayeke te terê ti atênë, na angu so asua ayeke te sese, mo futi beku ti zo ti sese. 20  Mo ngbâ ti hon lo na ngangu juska lo kui;+ mo sara si lê ti lo achangé, na mo tene na lo ti hon. 21  A mû nengo na amolenge ti lo, me lo hinga pëpe; ala ga ambumbuse zo, me lo hinga pëpe.+ 22  Lo mä songo ti ye gï na ngoi so lo ngbâ na fini; lo sara* vundu gï na ngoi so lo ngbâ na fini.”

Kete tënë

Wala “lakue ye ayengi lo kirikiri.”
A lingbi nga ti tene “a fâ ni.”
Na Hébreu: “mbi.”
Wala “Shéol,” so ti tene dû ti kuâ so azo kue ayeke gue dä. Bâ na kete bakari.
Wala “duti tâ na nzara.”
Wala “âme ti lo asara.”