Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Job 11:1-20

LI TI ATËNË NI

  • Kozo tënë ti Zophar (1-20)

    • Lo tene Job adiko tënë senge senge (2, 3)

    • Lo tene na Job ti zia sioni ye yongoro (14)

11  Zophar,+ zo ti Naama, akiri tënë na lo, atene:   “Atënë so kue so, zo alingbi ti kiri tënë dä ape? Wala tongana zo adiko gbâ ti atënë, a mû na lo raison?*   Asenge senge tënë ti mo asara si azo aduti kpô? Atënë ti hengo ndo so mo tene so, mo ye mbeni zo ake na mo ape?+   Mo tene: ‘Ye so mbi fa ni ayeke nzoni,+na mbi yeke nzoni na lê ti mo.’+   Tongana fade Nzapa asara tënë,na lo zi yanga ti lo, lo sara tënë na mo,+   ka lo fa na mo ye so a iri ni ndara,ndali ti so aye mingi ayeke na yâ ti tâ ndara. A yeke sara si mo hinga so Nzapa agirisa ambeni faute ti mo.   Mo kpa ti hinga aye so ahonde na yâ ti bê ti Nzapa? Wala mo kpa ti hinga ye kue na ndö ti* Lo so ngangu ti lo ahon angangu kue?   Ndara ti lo ayo na nduzu ahon yayu. Nyen la mo lingbi ti sara nyen? A lï a hon Dû ti kuâ.* Nyen la mo lingbi ti hinga dä nyen?   A yo a hon sese,lê ni akono ahon ngu-ingo. 10  Tongana lo yeke hon hongo si lo zia maboko ti lo na ndö ti mbeni zo si lo gue na lo na ngbanga,zo wa la akpa ti ke na lo zo wa? 11  Lo hinga azo ayeke sara ye na handa. Tongana lê ti lo atï na ndö ti ye ti sioni, lo yeke bi bê ti lo dä ape? 12  Me zo so li ti lo ayeke dä pëpe ayeke mä yâ ti yegï tongana kororo ti ngonda adü zo si.* 13  Mo leke bê ti mona mo yôro maboko ti mo na lo. 14  Tongana maboko ti mo ayeke sara sioni, mo zia ni yongoro,na mo zia ye ti kirikiri aduti na yâ ti atente ti mo pëpe. 15  Tongaso, mo lingbi ti yô lê ti mo na nduzu, lê ti mo so sioni ye ayeke dä pëpe;mo lingbi ti dö sese ngangu, sân mbeto. 16  Nga mo yeke girisa akpale ti mo;même tongana li ti mo atï na ndö ni, a yeke ga tongana mbeni ngu so asua ahon. 17  Gigi ti mo ayeke za ahon lâ ti midi;même so a yeke tongana bingo, a yeke za tongana lâ ti ndapre. 18  Mo yeke gi nga bê ti mo pëpe, ndali ti so mo yeke na beku;mo yeke bâ ndo na terê ti mo, na mo yeke lango na siriri. 19  Mo yeke lango, na zo oko ayeke zia mbeto na yâ ti mo pëpe. Azo mingi ayeke gi ti ga nzoni na lê ti mo. 20  Me lê ti azo ti sioni ayeke vuko,na ala yeke wara ndo ti kpe dä pëpe;oko beku ti ala ayeke gï kuâ.”*+

Kete tënë

Wala “a yeke mû raison na mbeni zo so apika kate ti lo?”
Wala “ti hinga fin ti kota ti.”
Wala “Shéol,” so ti tene dû ti kuâ so azo kue ayeke gue dä. Bâ na kete bakari.
Wala “tongana a ga ti dü kororo ti ngonda, a dü lo zo si.”
Wala “ayeke gï ti tene âme ti ala akui.”