Gue na tënë ti yâ ni

Gue na gbe ti menu

Gue na li ti atënë ni

aTémoin ti Jéhovah

Sango

Bible na ndo ti Internet | MBETI TI NZAPA TI FINI DUNIA

Job 10:1-22

LI TI ATËNË NI

  • Kiringo tënë ti Job angbâ ti gue (1-22)

    • ‘Ndani nyen Nzapa ayeke tiri na mbi?’ (2)

    • Nzapa ayeke nde na Job so ayeke ti lo zo ti sese senge (4-12)

    • ‘Mbi ye ti wu kamême terê ti mbi’ (20)

10  “Mbi ke* fini ti mbi.+ Mbi yeke fa adema ti mbi na gigi. Na yâ ti kota vundu ti mbi,* mbi yeke sara tënë!   Mbi yeke tene na Nzapa: ‘Mo fâ ngbanga na li ti mbi pëpe. Fa na mbi ndani so mo yeke tiri na mbi.   Nzoni ti nyen la mo yeke wara tongana mo sara ye ti ngangu na zo? tongana mo ke kusala ti maboko ti mo,+ me mo yeda na wango ti azo ti sioni?   Lê ti mo ayeke tongana ti zo? Wala mo yeke bâ ye tongana ti so zo ti sese ayeke bâ?   Wungo ti lango ti mo ayeke tongana ti azo ti sese? Wala wungo ti ngu ti mo ayeke tongana ti zo?+   si mo yeke gi peko ti faute ti mbi nga mo ngbâ ti gi peko ti siokpari ti mbi so?+   Mo hinga so tënë ayeke na li ti mbi pëpe,+ na zo ti sö mbi na maboko ti mo ayeke dä pëpe.+   Maboko ti mo la aleke mbi nga asara mbi,+ me fadeso mo ye ti futi mbi.   Pardon, dabe ti mo so mo mû popoto la mo sara na mbi,+ me fadeso mo sara si mbi kiri fuku ti sese.+ 10  Mo tuku mbi tongana ti so zo ayeke tuku lait ape? nga mo sara si mbi kpengba tongana fromage ape? 11  Mo yü na mbi poro ti terê nga na nyama ti terê tongana bongo nga mo tingbi abio nga na akamba ti terê ti bio ndo oko.+ 12  Mo mû na mbi fini nga mo fa tâ ndoye na mbage ti mbi; mo bata yingo* ti mbi nzoni.+ 13  Me, na hondengo ni, mo gi ti sara aye so.* Mbi hinga so aye ni so alondo na mo. 14  Tongana mbi sara siokpari, mo yeke bâ mbi+ nga mo yeke zi tënë ti faute ti mbi na li ti mbi pëpe. 15  Tongana tënë ayeke na li ti mbi, mawa na mbi! Même tongana tënë ayeke na li ti mbi pëpe, mbi lingbi pëpe ti yô li ti mbi na nduzu,+ ndali ti so kamene nga vundu ahon ndö ti mbi.+ 16  Tongana mbi yô li ti mbi na nduzu, mo yeke gi mbi tongana bamara,+ na mo kiri mo fa ngangu ti mo na terê ti mbi. 17  Mo yeke ga na ambeni fini témoin na terê ti mbi, nga mo yeke kiri ti sara ngonzo mingi na terê ti mbi, na ngoi so aye ti ngangu ayeke si na mbi na ndö ti terê. 18  Tongaso, ngbanga ti nyen mo sara si mbi sigi na yâ ti mama ti mbi?+ Ka fade mbi kui kozo si lê ti azo abâ mbi. 19  Ka a yeke mo bâ mo tene mbi yeke dä lâ oko pëpe; ka fade a mû mbi na ngoi ti dungo mbi a gue na mbi droit na dû ti kuâ.’ 20  Alango ti mbi ayeke mingi pëpe;+ mbi ye lo zia mbi kpô; mbi ye lo zi lê ti lo na terê ti mbi, si mbi wu kamême terê ti mbi*+ 21  kozo si mbi hon (na mbi yeke kiri mbeni pëpe)+ na ndo so kota bingo* ayeke dä,+ 22  na ndo so avuko mingi, na ndo so kota bingo ayeke dä nga ye kue ayeke kirikiri, ndo so atâa so lumière ayeke dä, ndo avuko mingi.”

Kete tënë

Wala “Âme ti mbi ake.”
Wala “Ndali ti âme ti mbi so ayeke na vundu mingi.”
Wala “pupu; fini.”
Na Hébreu: “mo honde aye so na bê ti mo.”
Wala “mbi yapu kete.”
Wala “bingo nga gbe ti dê ti kuâ.”